മലപ്പുറം : കുടിവെള്ളം എടുക്കുന്നതുമായി ബന്ധപ്പെട്ട് ഉണ്ടായ തർക്കത്തിൽ രണ്ടുപേർക്ക് വെട്ടേറ്റു. മലപ്പുറം കുറ്റിപ്പുറത്താണ് സംഭവം നടന്നത്. പൈപ്പിൽ നിന്നും കുടിവെള്ളം ശേഖരിക്കുന്നതുമായി ബന്ധപ്പെട്ട് ഉണ്ടായ തർക്കത്തിലാണ് വെട്ടിപ്പരിക്കേൽപ്പിച്ചത്. പരിക്കേറ്റ രണ്ടു പേരെ സമീപത്തെ സ്വകാര്യ ആശുപത്രിയിൽ പ്രവേശിപ്പിച്ചു.
കുറ്റിപ്പുറം ഊരോത്ത് പള്ളിയാലിൽ വാടക കോർട്ടേഴ്സിൽ താമസിക്കുന്നവർക്കാണ് വെട്ടേറ്റിട്ടുള്ളത്. സഹോദരങ്ങളായ അറുമുഖൻ (29), മണി (35) എന്നിവർക്കാണ് പരിക്കേറ്റത്. ചൊവ്വാഴ്ച രാവിലെ ആയിരുന്നു സംഭവം നടന്നത്. പൈപ്പിൽ നിന്നും കുടിവെള്ളം എടുക്കുന്നതുമായി ബന്ധപ്പെട്ട് സ്ത്രീകൾ തമ്മിലുണ്ടായ തർക്കം പിന്നീട് പുരുഷന്മാർ തമ്മിലുള്ള കയ്യാങ്കളിയിലേക്ക് മാറുകയായിരുന്നു. സംഭവവുമായി ബന്ധപ്പെട്ട് പോലീസ് കേസെടുത്ത് അന്വേഷണം ആരംഭിച്ചു.
Discussion about this post