ന്യൂഡൽഹി: 21 സംസ്ഥാനങ്ങളിലെയും കേന്ദ്രഭരണ പ്രദേശങ്ങളിലെയും 102 മണ്ഡലങ്ങൾ ഉൾക്കൊള്ളുന്ന 2024ലെ ലോക്സഭാ തിരഞ്ഞെടുപ്പിൻ്റെ ആദ്യഘട്ടം വെള്ളിയാഴ്ച തുടങ്ങാനിരിക്കുകയാണ്. ലോകത്തിലെ ഏറ്റവും വലിയ ജനാധിപത്യ രാജ്യത്ത് തിരഞ്ഞെടുപ്പ് മഹോത്സവത്തിൽ പങ്കാളിയാവുക എന്നത് പൗര ബോധം ഉള്ള ഏതൊരാളുടെയും കടമയാണ്.
എന്നാൽ ഏതെങ്കിലും കാരണവശാൽ നിങ്ങളുടെ വോട്ടർ ഐ ഡി കാർഡ് നിങ്ങളുടെ കൈവശം ഇല്ല എന്ന സാഹചര്യമാണോ ഇപ്പോൾ ഉള്ളത് ? അങ്ങനെയെങ്കിൽ നിങ്ങളുടെ വോട്ടർ ഐഡി കാർഡ് ഇല്ലാതെ പോലും നിങ്ങൾക്ക് വോട്ടവകാശം വിനിയോഗിക്കാമെന്ന് സ്ഥിരീകരിച്ചിരിക്കുകയാണ് തിരഞ്ഞെടുപ്പ് കമ്മീഷൻ.
ആകെ ചെയ്യേണ്ടത് ഇത്ര മാത്രമാണ് നിങ്ങൾ ഒരു തിരഞ്ഞെടുപ്പ് സ്ലിപ്പ് പ്രിൻ്റൗട്ട് കരസ്ഥമാക്കുകയും വോട്ടിംഗിനായി ഇനിപ്പറയുന്ന രേഖകളിൽ ഒന്ന് കൈവശം വയ്ക്കുകയും മാത്രം ചെയ്താൽ മതി: പാസ്പോർട്ട്, ആധാർ കാർഡ്, പാൻ കാർഡ്, ഡ്രൈവിംഗ് ലൈസൻസ്, എംഎൻആർഇജിഎ കാർഡ്, കേന്ദ്ര-സംസ്ഥാന സർക്കാർ ജീവനക്കാരുടെ ഐഡി കാർഡുകൾ, ഫോട്ടോ പതിച്ച പെൻഷൻ കാർഡുകൾ എന്നിവയാണവ.
എന്നിരുന്നാലും, തിരഞ്ഞെടുപ്പ് കമ്മീഷൻ ഔദ്യോഗിക വോട്ടർ പട്ടികയിൽ തങ്ങളുടെ പേര് ഉൾപ്പെടുത്തിയിട്ടുണ്ടോയെന്ന് വോട്ടർമാർ ഉറപ്പു വരുത്തണം
Discussion about this post