കൊച്ചി; വയനാട് പൂക്കോട് വെറ്ററിനറി സർവ്വകലാശാലയിലെ ജെഎസ് സിദ്ധാർത്ഥൻ കൊലക്കേസിൽ ജാമ്യാപേക്ഷയുമായി പ്രതികൾ. പത്തോളം വിദ്യാർത്ഥികളാണ് കോടതിയെ സമീപിച്ചത്.കേസിൽ ഇതുവരെ 20 പ്രതികളെ അറസ്റ്റ് ചെയ്തിരുന്നു.
കഴിഞ്ഞ ഒരു മാസമായി ജയിലിലാണെന്നും എന്താണ് ചെയ്ത കുറ്റമെന്ന് വ്യക്തമായി പറയാതെയാണ് അറസ്റ്റ് എന്നും ജാമ്യാപേക്ഷയിൽ പറയുന്നു. ഏതോ ഗ്രൂപ്പിന്റെ ഭാഗമാണെന്നും തങ്ങൾ ഒരു കുറ്റകൃത്യം ചെയ്തു തുടങ്ങിയ ആരോപണങ്ങളാണ് ഉന്നയിക്കപ്പെട്ടിട്ടുള്ളത് എന്ന് ജാമ്യഹർജിയിൽ പറയുന്നു.
ക്യാംപസിലുണ്ടായ പ്രശ്നം മാദ്ധ്യമങ്ങൾ ഊതിവീർപ്പിക്കുകയായിരുന്നെന്നും പ്രതികൾക്കെതിരെ ജനവികാരം ഉയരുന്ന തരത്തിൽ മുൻവിധിയോടെ പൊതുവിചാരണ നടത്തുകയായിരുന്നു മാദ്ധ്യമങ്ങളെന്നും ജാമ്യഹർജിയിൽ പറയുന്നുണ്ട്.
Discussion about this post