ലുലുമാളിൽ കയറി ഒരു പഫ്സും ചായയും കഴിച്ചു ; ബില്ലുവന്നപ്പോൾ കണ്ണു തള്ളി ; എന്തിനാണ് യൂസഫലി സാർ ഇങ്ങനെ ആളുകളെ ചൂഷണം ചെയ്യുന്നതെന്ന് രാജി പിള്ള

ലുലു മാൾ സന്ദർശനത്തിനിടയിൽ നേരിട്ട ദുരനുഭവം പങ്കുവെച്ചുകൊണ്ട് രാജിപിള്ള ഫേസ്ബുക്കിൽ പങ്കുവെച്ച പോസ്റ്റ് ആണ് ഇപ്പോൾ ശ്രദ്ധേയമാകുന്നത്. ലുലു മാളിൽ നിന്നും ചായയും പഫ്സും വാങ്ങിയപ്പോൾ ലഭിച്ച ബിൽ ഞെട്ടിക്കുന്നതായിരുന്നുവെന്ന് രാജി പിള്ള വ്യക്തമാക്കുന്നു. ഒരു ചായയ്ക്ക് മാത്രം 170 രൂപയാണ് ലുലു മാളിൽ ഈടാക്കുന്നതെന്നും ചായയും പഫ്സും വെള്ളവും വാങ്ങിയ തനിക്ക് 810 രൂപ ബില്ല് ലഭിച്ചു എന്നും രാജി പിള്ള വ്യക്തമാക്കുന്നു. കേരളത്തിലെ തന്നെ ഏറ്റവും വലിയ കോടീശ്വരനായ യൂസഫലി എന്തിനാണ് ഇങ്ങനെ ആളുകളെ ചൂഷണം ചെയ്യുന്നത് എന്ന ചോദ്യം ഉന്നയിച്ചു കൊണ്ടാണ് രാജി പിള്ള ഫേസ്ബുക്ക് പോസ്റ്റ് പങ്കുവെച്ചിരിക്കുന്നത്.

രാജി പിള്ളയുടെ ഫേസ്ബുക്ക് പോസ്റ്റിന്റെ പൂർണ്ണരൂപം വായിക്കാം,

എനിക്കുണ്ടായ ഒരു ദുരനുഭവം ഞാനിവിടെ എന്റെ സുഹൃത്തുക്കളുമായി പങ്കുവയ്ക്കുന്നു….. ഞാൻ ഇന്നലെ ലുലുമാളിൽ പോയിരുന്നു… ഞാനും എന്റെ അനുജത്തിയും അനുജത്തിയുടെ മകനും കൂടെയുണ്ടായിരുന്നു… ചെറിയൊരു ഷോപ്പിംഗ് ഒക്കെ കഴിഞ്ഞപ്പോൾ അനിയത്തിയുടെ മകന് ഒരേ ഒരു വാശി ഒരു സിനിമ കാണണമെന്ന്… മകന്റെ വാശി അല്ലേ നടത്തിക്കൊടുക്കാം എന്നും പറഞ്ഞ് ഒരു സിനിമയ്ക്ക് കയറി…. സിനിമയുടെ ഇന്റർവെൽ ടൈമിൽ എനിക്ക് ചെറിയൊരു തലവേദന അനുഭവപ്പെട്ടതുകൊണ്ട് അനിയത്തിയുടെ കൂടെ ഞാൻ പറഞ്ഞു നമുക്ക് ഓരോ ചായ കുടിക്കാം എന്ന്,.. ഞാനും അനുജത്തിയും മകനും കൂടി പുറത്തിറങ്ങി അവിടത്തെ കൗണ്ടറിൽ നിന്നും മൂന്ന് ചായയും മൂന്ന് പപ്സും ഒരു കുപ്പി വെള്ളവും വാങ്ങുകയുണ്ടായി…. ഇത്രയും സാധനം വാങ്ങി കയ്യിൽ വെച്ചതിനുശേഷം ഗൂഗിൾ പേ ചെയ്യുവാനായി എമൗണ്ട് കേട്ടപ്പോൾ ഞാൻ ഞെട്ടിപ്പോയി… 😇😇 810 രൂപ… 😇😇… ഞാൻ ക്യാഷ് കൗണ്ടറിൽ ഇരുന്ന ആളെടുത്ത് ചോദിച്ചു നിങ്ങൾക്ക് കണക്ക് തെറ്റിയതാണോ എന്ന്അപ്പോൾ അയാളുടെ മറുപടി കേട്ട് ഞാൻ വീണ്ടും അന്തം വിട്ടുപോയി… ഒരു ചായയ്ക്ക് 170 രൂപ… ഒരു കുപ്പി വെള്ളത്തിന് 60 രൂപ….ഒരു പപ്സിന് 80 രൂപ😏😏… സാധാരണ പുറത്ത് കടകളിൽ പത്തു രൂപയ്ക്ക് കിട്ടുന്ന ചായയ്ക്കും 15 രൂപയ്ക്ക് കിട്ടുന്ന കുപ്പി വെള്ളത്തിനും 25 രൂപയ്ക്ക് കിട്ടുന്ന പപ്സിനും ഞാൻ കൊടുക്കേണ്ടി വന്നത് 810രൂപ….അവിടെ ഒരുപാട് ആൾക്കാർ കൂടിനിന്നത് കാരണം എന്റെ അഭിമാനം പിന്നെ അയാളെചോദ്യംചെയ്യാൻ അനുവദിച്ചില്ല… കേരളത്തിലെ ഏറ്റവും വലിയ കോടീശ്വരനായ യൂസഫലി സാർ താങ്കൾ എന്തിനാണ് ഇതേ കണക്ക് ആൾക്കാരെ ചൂഷണം ചെയ്യുന്നത്
…. ലുലു മാളിൽ വരുന്ന എല്ലാരും കോടീശ്വരന്മാരല്ല എന്ന് അങ്ങ് ഓർക്കണം… ഇതിന്റെ കൂടെ ഒരു കുറിപ്പ് കൂടി ഇനി മേലാൽ ലുലു മാളിൽ ഞാൻ പോകില്ല…. എന്റെ നല്ലവരായ സുഹൃത്തുക്കൾക്ക് നിങ്ങളുടെ അനുഭവങ്ങളോ അഭിപ്രായങ്ങളോ പങ്കുവയ്ക്കാം 🙏🏼🙏🏼🙏🏼