മുംബൈ : ഇന്ത്യൻ പ്രീമിയർ ലീഗിൽ മുംബൈ ഇന്ത്യൻസിനേറ്റ വൻ പരാജയത്തിനുശേഷം കുടുംബജീവിതത്തിലും വലിയ തിരിച്ചടിയാണ് മുംബൈ നായകൻ ഹാർദിക് പാണ്ഡ്യ നേരിടുന്നത്. ഹാർദികിന്റെ ഭാര്യ നടാഷ സ്റ്റാൻകോവിച്ച് വിവാഹമോചനത്തിന് ഒരുങ്ങുന്നതായാണ് ലഭിക്കുന്ന സൂചന. ഐപിഎൽ മത്സരങ്ങളിൽ മുൻവർഷങ്ങളെ അപേക്ഷിച്ച് നടാഷയെ കാണാതിരുന്നത് നേരത്തെ തന്നെ താരത്തിന്റെ ആരാധകരിൽ സംശയം ജനിപ്പിച്ചിരുന്നു.
കഴിഞ്ഞദിവസം നടാഷ സ്റ്റാൻകോവിച്ച് തന്റെ ഇൻസ്റ്റാഗ്രാം അക്കൗണ്ടിൽ നിന്നും പാണ്ഡ്യ എന്ന പേര് നീക്കം ചെയ്യുകയും ചെയ്തതോടെ ഇരുവരും തമ്മിൽ പിരിയാൻ ഒരുങ്ങുകയാണെന്ന കാര്യം ആരാധകർ ഉറപ്പിച്ചിരിക്കുകയാണ്. നടാഷയുടെ ഇൻസ്റ്റാഗ്രാം അക്കൗണ്ടിൽ നേരത്തെ പോസ്റ്റ് ചെയ്തിരുന്ന ഹാർദ്ദിക്കിന്റെ ചിത്രങ്ങളും നീക്കം ചെയ്തിട്ടുണ്ട്.
2020ൽ ആയിരുന്നു നടിയും നർത്തകിയുമായ നാടാഷ സ്റ്റാൻകോവിച്ചുമായി ലിവ് ഇൻ റിലേഷൻഷിപ്പിൽ ആണെന്ന് ഹാർദിക് പാണ്ഡ്യ വ്യക്തമാക്കിയിരുന്നത്. 2020 ജൂലൈ 30ന് ഇരുവർക്കും അഗസ്ത്യ എന്ന ഒരു മകനും ജനിച്ചു. പിന്നീട് 2023 ഫെബ്രുവരിയിലാണ് രാജസ്ഥാനിലെ ഉദയ്പൂരിൽ വെച്ച് ഹാർദ്ദികും നടാഷയും വിവാഹിതരായിരുന്നത്.
