ന്യൂഡൽഹി: പ്രചാരണത്തിന് പോകുന്നയിടത്തെല്ലാം കോൺഗ്രസ് അദ്ധ്യക്ഷൻ നേരിടുന്ന ചോദ്യമാണ് ആരാണ് ഇൻഡിഖ്യത്തിന്റെ പ്രധാനമന്ത്രി സ്ഥാനാർത്ഥി എന്ന ചോദ്യം. യഥാർത്ഥത്തിൽ അങ്ങനെയൊരാളെ സംഖ്യം കണ്ടുവച്ചിട്ടില്ലാത്തതിനാൽ തന്നെ പല ഉത്തരങ്ങളാണ് ഓരോ സന്ദർഭത്തിനും നൽകാറുള്ളത്.
ആരാണ് കോടിപതി എന്ന് ചോദിക്കുന്നത് പോലെയാണ് അതിന്റെ ഉത്തരമെന്നാണ് ഖാർഗെ കഴിഞ്ഞ ദിവസം പറഞ്ഞത്. അമിതാഭ് ബച്ചന്റെ കോൻബനേഗ ക്രോർപതി മോഡലിലായിരുന്നു ഖാർഗെ മറുപടി നൽകിയത്. ഇൻഡി സഖ്യത്തിന്റെ നേതൃത്വത്തിൽ ഞങ്ങൾ സർക്കാരുണ്ടാക്കിയാൽ, ആരാകും പ്രധാനമന്ത്രിയെന്ന് സഖ്യത്തിലെ നേതാക്കളെല്ലാം ചർച്ച ചെയ്ത് തീരുമാനിക്കുമെന്നും ഖാർഗെ പറഞ്ഞു. ഷിംലയിൽ നടത്തിയ വാർത്താ സമ്മേളനത്തിലായിരുന്നു ഖാർഗെ മാദ്ധ്യമപ്രവർത്തകർക്ക് മറുപടി നൽകിയത്.
2004 മുതൽ 2014 വരെ ഞങ്ങൾ ഭരിച്ചിരുന്നു. അന്നൊന്നും ഞങ്ങൾ സർക്കാർ രൂപീകരിച്ചത് തിരഞ്ഞെടുപ്പിന് മുമ്പ് പ്രധാനമന്ത്രി സ്ഥാനാർത്ഥിയെ പ്രഖ്യാപിച്ച് കൊണ്ടല്ലെന്നും ഖാർഗെ ചൂണ്ടിക്കാട്ടി.2004ൽ കോൺഗ്രസ് നേതാക്കൾക്ക് സോണിയാ ഗാന്ധി പ്രധാനമന്ത്രിയാവണമെന്നായിരുന്നു ആഗ്രഹം. എന്നാൽ അവർ അതിന് തയ്യാറായില്ല. ഞങ്ങൾക്ക് ഭൂരിപക്ഷമില്ലായിരുന്നു. 140 സീറ്റായിരുന്നു ലഭിച്ചത്. 2009ൽ 209 സീറ്റുകൾ നേടിയാണ് ഞങ്ങൾ വീണ്ടും അധികാരത്തിലെത്തിയത്. യുപിഎ സഖ്യമുണ്ടാക്കി ഞങ്ങൾ പത്ത് വർഷമാണ് ഭരിച്ചതെന്നും ഖാർഗെ പറഞ്ഞു.
Discussion about this post