ഒരു കല്യാണ മാമാങ്കത്തിന്റെ തിരക്കിട്ട ഒരുക്കത്തിലാണ് അംബാനി കുടുംബം. ഇന്ത്യയിലെ ഏറ്റവും വലിയ സമ്പന്നനും റിലയൻസ് ഇൻഡസ്ട്രീസ് ചെയർമാനുമായ മുകേഷ് അംബാനിയുടെ ഇളയമകൻ ആനന്ദ് അംബാനിയുടെ പ്രീം വെഡിംഗ് ആഘോഷങ്ങളെല്ലാം ചർച്ചയായിരുന്നു. ബോളിവുഡ് താരങ്ങളും മറ്റ് വ്യവസായ പ്രമുഖൻമാരും എത്തിയ വിവാഹത്തിനായി 1200 കോടിരൂപയാണ് ചെലവഴിച്ചത്.
കോടികൾ ഒഴുക്കിയുള്ള വിവാഹത്തിന് മുൻപേ കോടികൾ ചെലവഴിച്ച് അത്യാഡംബര സമ്മാനം മരുമകൾക്ക് നൽകുന്ന ഒരു പതിവ് അംബാനി കുടുംബത്തിന് ഉണ്ട്. അംബാനി കുടുംബത്തിലെ മൂത്ത മരുമകളായ ശ്ലോക മേത്തയ്ക്ക് നിത അംബാനി നൽകിയത് 500 കോടിയോളം വില വരുന്ന ആഡംബര വജ്ര മാലയായിരുന്നു.
ഇപ്പോൾ രാധിക മെർച്ചന്റിന് നൽകിയതാവട്ടെ പടുകൂറ്റൻ ബംഗ്ലാവും. ദുബായിൽ ആഡംബര ബംഗ്ലാവാണ് അംബാനി കുടുംബം രാധികയ്ക്കായി സമ്മാനിച്ചത്. ഇതിന് 640 കോടി രൂപയാണ് വില വരുന്നത്. ദുബായിലെ പാം ജുമൈറയിലാണ് ഈ ആഡംബര വീട് സ്ഥിതി ചെയ്യുന്നത്. 70 മീറ്റർ പ്രൈവറ്റ് ബീച്ചാണ് ഈ വീടിന്റെ പ്രധാന ആകർഷണം. 10 അത്യാധുനിക ബെഡ്‌റൂമുകളാണ് ഇതിലുള്ളത്. ഇൻ ബിൾട്ട് പൂളും ഈ ബെഡ്റൂമിൽ ഉൾപ്പെടുത്തിയിട്ടുണ്ട്.
അതേസമയം വീരൻ മർച്ചന്റിന്റെയും ഷൈല മെർച്ചന്റിന്റെയും മകളായ രാധിക എൻകോർ ഹെൽത്ത് കെയർ (ഇഎച്ച്പിഎൽ) ഡയറക്ടർ ബോർഡ് അംഗമാണ്. അനന്ത് അംബാനിയെ ഉടൻ വിവാഹം കഴിക്കുന്ന രാധിക ന്യൂയോർക്ക് യൂണിവേഴ്‌സിറ്റിയിൽ നിന്ന് രാഷ്ട്രീയത്തിലും സാമ്പത്തിക ശാസ്ത്രത്തിലും ബിരുദം നേടിയിട്ടുണ്ട്.വർഷങ്ങളോളം ഭരതനാട്യം അഭ്യസിച്ചിട്ടുള്ള രാധിക, 2022 ജൂണിൽ മുംബൈയിലെ ജിയോ വേൾഡ് സെന്ററിൽ നടന്ന ചടങ്ങിൽ അരങ്ങേറ്റം നടത്തിയിരുന്നു. ബോളിവുഡ് താരങ്ങളും രാഷ്ട്രീയ നേതാക്കളും പങ്കെടുത്ത താരനിബിഡമായ പരിപാടിയായിരുന്നു ഇത്.
