ചെന്നൈ: ലോക്സഭാ തിരഞ്ഞെടുപ്പിൽ തമിഴ്നാട്ടിൽ ബിജെപിയ്ക്ക് മുന്നേറ്റം പ്രവചിച്ച് ഇന്ത്യ ടുഡേ- ആക്സിസ് മൈ ഇന്ത്യ. ഇക്കുറി ഒന്ന് മുതൽ മൂന്ന് സീറ്റുകൾവരെ ബിജെപിയ്ക്ക് ലഭിക്കുമെന്നാണ് എക്സിറ്റ് പോൾ ഫലങ്ങൾ. 39 ലോക്സഭാ സീറ്റുകളാണ് തമിഴ്നാട്ടിൽ ഉള്ളത്.
ഇൻഡി സഖ്യം 33 മുതൽ 37 വരെ സീറ്റുകളിൽ വിജയിക്കുമെന്നും ഇന്ത്യ ടുഡേ- ആക്സിസ് മൈ ഇന്ത്യ വ്യക്തമാക്കുന്നു. കഴിഞ്ഞ തവണത്തെ ലോക്സഭാ തിരഞ്ഞെടുപ്പിൽ ഡിഎംകെ 39 ൽ 38 സീറ്റുകളിൽ വിജയിച്ചിരുന്നു. ഇക്കുറി കഴിഞ്ഞ തവണ ഉണ്ടാക്കിയ മുന്നേറ്റം സഖ്യത്തിന് ഉണ്ടാക്കാൻ കഴിയില്ലെന്നാണ് വ്യക്തമാകുന്നത്. ആകെ വോട്ടിൽ 50.9 ശതമാനം ഡിഎംകെ സഖ്യത്തിന് ലഭിക്കും. 30.7 ശതമാനം വോട്ടുകൾ ബിജെപിയ്ക്ക് ലഭിക്കുമെന്നും പ്രവചനം ഉണ്ട്.
കോയമ്പത്തൂർ ലോക്സഭാ മണ്ഡലത്തിൽ ആണ് ബിജെപിയ്ക്ക് വിജയ സാദ്ധ്യത. ഇവിടെ ബിജെപിയ്ക്കായി മത്സരിച്ച കെ.അണ്ണാമലൈ വിജയിക്കാനാണ് സാദ്ധ്യത. ഇതിന് പുറമേ ചെന്നൈ സൗത്ത് മണ്ഡലത്തിലെ സ്ഥാനാർത്ഥി തമിഴിസൈ സൗന്ദരരാജൻ വിജയിക്കാൻ സാദ്ധ്യതയുണ്ടെന്നും എക്സിറ്റ് പോൾ ഫലങ്ങൾ വ്യക്തമാക്കുന്നു.
Discussion about this post