ഇംഫാൽ: മണിപ്പൂർ മുഖ്യമന്ത്രി എൻ ബിരേൻ സിംഗിന്റെ വാഹന വ്യൂഹത്തിന് നേരെ ആക്രമണം. സംഭവത്തിൽ സുരക്ഷാ ഉദ്യോഗസ്ഥന് പരിക്കേറ്റു. മുഖ്യമന്ത്രി സുരക്ഷിതനാണ്.
രാവിലെ പത്തരയോടെയായിരുന്നു സംഭവം. ഇംഫാലിൽ നിന്നും ജിരിബാമിലേക്ക് പോകുകയായിരുന്നു മുഖ്യമന്ത്രി. ഇതിനിടെയാണ് അദ്ദേഹത്തിന്റെ വാഹനവ്യൂഹത്തിന് നേരെ ആക്രമണം ഉണ്ടായത്. ജൂൺ ആറിന് ജിരിബമിൽ പ്രദേശവാസിയെ ഭീകരർ തലയറുത്ത് കൊലപ്പെടുത്തിയിരുന്നു. ഇതിന്റെ പശ്ചാത്തലത്തിൽ ആയിരുന്നു ബിരേൻ സിംഗിന്റെ സന്ദർശനം.
മുഖ്യമന്ത്രി ജിരിബമിൽ സന്ദർശനം നടത്താൻ തീരുമാനിച്ചതിന് പിന്നാലെ തന്നെ ചില പ്രശ്നങ്ങൾ ഉണ്ടായിരുന്നു. ഇതിന്റെ തുടർച്ചയാണ് ആക്രമണം എന്നാണ് കരുതുന്നത്. പരിക്കേറ്റ സുരക്ഷാ ഉദ്യോഗസ്ഥൻ ആശുപത്രിയിൽ ചികിത്സയിലാണ്. സംഭവത്തിൽ പോലീസ് വിശദമായ അന്വേഷണം ആരംഭിച്ചു.
Discussion about this post