പ്രാബയോട്ടിക് ആയതിനാൽ വയറിന്റെ ആരോഗ്യത്തിന് ഏറെ ഉത്തമമാണ് തൈര്. അതുകൊണ്ട് തന്നെ വയറിന്റെ ആരോഗ്യത്തിനായി എല്ലാ ദിവസവും തൈര് ഭക്ഷണത്തിൽ ഉൾപ്പെടുത്താൻ ഡോക്ടർമാർ നിർദ്ദേശിക്കാറുമുണ്ട്. മികച്ച പ്രതിരോധ ശേഷിയ്ക്കും എല്ലുകളുടെയും പല്ലുകളുടെയും ബലത്തിനുമെല്ലാം തൈര് കഴിക്കുന്നത് ഗുണം ചെയ്യും. എന്നാൽ സൂക്ഷിച്ച് കഴിച്ചില്ലെങ്കിൽ തൈര് നമ്മുടെ വയറിന് പണിയും തരും.
ചില ഭക്ഷണങ്ങൾക്കൊപ്പം തൈര് കഴിക്കരുത്. ഇത് നമ്മുടെ ശരീരത്തിന് ഗുണത്തേക്കാൾ ഏറെ ദോഷം ചെയ്യും. തൈരിൽ അടങ്ങിയിരിക്കുന്ന പോഷകങ്ങൾ മറ്റ് ഭക്ഷണവുമായി ചേർന്ന് പ്രവർത്തിത്തിക്കുന്നു എന്നതാണ് ഇതിന് കാരണം. ഇതിന്റെ ഭാഗമായി ദഹന പ്രശ്‌നങ്ങൾ ഉണ്ടാകുകയും ചെയ്യുന്നു. മികച്ച ആരോഗ്യത്തിനായി തൈരിന് ഒപ്പം ഈ ഭക്ഷണങ്ങൾ കഴിക്കരുത്.
പാലിൽ നിന്നുള്ള ഉത്പന്നം ആണ് തൈര് എങ്കിലും ഇവ ഒന്നിച്ച് കഴിക്കുന്നത് ആരോഗ്യത്തിന് ദോഷം ചെയ്യും. ദഹനപ്രശ്‌നങ്ങൾ ആകും ഈ രണ്ട് ഭക്ഷണങ്ങളും ഒന്നിച്ച് ശരീരത്തിനുള്ളിൽ എത്തിയാൽ ഉണ്ടാകുക. അസിഡിറ്റി, നെഞ്ചെരിച്ചൽ, വയറ്‌വീർക്കൽ തുടങ്ങിയവയിലേക്ക് ഇത് നയിക്കും.
ബിരിയാണിയും മറ്റും കഴിക്കുമ്പോൾ തൈരും ഉള്ളിയും ചേർന്ന സൈഡ് ഡിഷ് നമുക്ക് തരാറുണ്ട്. ഉള്ളിയും തൈരും ചേർന്ന് കഴിക്കുന്നത് ശരീരത്തിൽ ചൂട് കൂട്ടും എന്നാണ് പറയുന്നത്. ദഹനപ്രശ്‌നങ്ങൾക്കും ഇത് കാരണം ആകും.
മീനും തൈരും ഒരുമിച്ച് കഴിക്കുന്നത് ദഹനപ്രശ്‌നങ്ങൾക്ക് കാരണം ആകും. ആയുർവേദത്തിൽ മീനും തൈരും ഒന്നിച്ച് കഴിക്കുന്നത് വിരുദ്ധാഹാരം ആയിട്ടാണ് കണക്കാക്കുന്നത്. മീനിനും തൈരിനും വ്യത്യസ്ത ദഹന പ്രക്രിയകൾ ആവശ്യമാണ്. അതിനാൽ ഇവ രണ്ടും ഒരുമിച്ച് കഴിക്കുമ്പോൾ ശരീരത്തിൽ വിഷാംശം വർദ്ധിക്കുന്നതിന് ഇടയാകും. എണ്ണ പലഹാരങ്ങൾക്കൊപ്പം തൈര് കഴിക്കുന്നതും നല്ലതല്ല.
മാമ്പഴവും തൈരും ഒന്നിച്ച് കഴിക്കുന്നതും ശരീരത്തിന് നല്ലതല്ല. തൈര് ശരീരത്തെ തണുപ്പിക്കുകയും മാമ്പഴം ശരീരത്തെ ചൂടാക്കുകയും ചെയ്യുന്ന ഭക്ഷണമാണ്. അതിനാൽ ഇത് രണ്ടും ഒരുമിച്ച് കഴിക്കുന്ന ദഹനത്തെ ബാധിക്കും. അലർജിപോലുള്ള പ്രശ്‌നങ്ങൾക്കും കാരണം ആകും.
Discussion about this post