ബാർബഡോസ്: ട്വന്റി 20 ലോകകപ്പ് ക്രിക്കറ്റ് മത്സരത്തിൽ ഇന്ത്യ ഫൈനലിൽ എത്തിയതോടെ മലയാളിത്തിളക്കത്തിൽ രാജ്യം കപ്പുയർത്തുമോയെന്ന് ഉറ്റുനോക്കുകയാണ് ക്രിക്കറ്റ് പ്രേമികളആയ മലയാളികൾ. ഇന്ത്യൻ ക്രിക്കറ്റ് ടീം ലോകകപ്പ് നേടിയപ്പോഴെല്ലാം ഭാഗ്യതാരമായി ഒരുമലയാളി ടീമിലുണ്ടായിരുന്നു. ഇന്ത്യ ഇന്ന് മൂന്നാം ടി20 ലോകകപ്പ് ഫൈനലിന് ഇറങ്ങുമ്പോഴും ആവേശം വാനോളമാണ്.
2007ലെ ടി20 ലോകകപ്പിൽ ഇന്ത്യയ്ക്ക് ആദ്യ ടി20 കിരീടം നേടിത്തന്നത് ശ്രീശാന്തിൻറെ ഈ ക്യാച്ചാണ്. 2011ലെ ഏകദിന ലോകകപ്പിൽ ഇന്ത്യ കപ്പുയർത്തിയപ്പോഴും ശ്രീശാന്ത് ടീമിലെ മലയാളി സാന്നിധ്യമായി. ഫൈനലിൽ പന്തെറിയാനും ശ്രീശാന്തുണ്ടായിരുന്നു. 1983ലാണ് മലയാളികൾ ഭാഗ്യനക്ഷത്രമായി മാറിത്തുടങ്ങിയത്.കപിലിൻറെ ചുണക്കുട്ടികൾ ലോർഡ്സിൽ വിൻഡീസിനെ മലയർത്തിയടിക്കുമ്പോൾ ഒരു മത്സരത്തിൽ പോലും കളിച്ചില്ലെങ്കിലും ടീമിലെ മലയാളി സാന്നിധ്യമായി സുനിൽ വാൽസണുണ്ടായിരുന്നു.
ഈ ലോകകപ്പിൽ സഞ്ജുവിനും ഇതുവരെ പ്ലേയിംഗ് ഇലവനിൽ കളിക്കാൻ അവസരം കിട്ടിയിട്ടില്ല.മധ്യ നിരയിൽ ശിവം ദുബേ തുട!ർച്ചയായി നിരാശപ്പെടുത്തുമ്പോൾ ഫൈനലിൽ സഞ്ജുവിന് അവസരം കിട്ടിയേക്കുമെന്ന പ്രതീക്ഷയും മലയാളികൾക്കുണ്ട്.
Discussion about this post