ന്യൂഡൽഹി : ജിയോയ്ക്കും എയർടെല്ലിനും പിന്നാലെ കോൾ ,ഡാറ്റ എന്നീ നിരക്കുകൾ കുത്തനെ കൂട്ടാൻ ഒരുങ്ങി വിഐ . പ്രീ- പെയ്ഡ് പോസ്റ്റ് പെയ്ഡ് നിരക്കുകൾ 11 ശതമാനം മുതൽ 24 ശതമാനം വരെയാണ് വോഡഫോൺ വർദ്ധിപ്പിച്ചിരിക്കുന്നത്. പുതിക്കിയ നിരക്കുകൾ ജൂലൈ 4 മുതൽ പ്രാബല്യത്തിൽ വരുമെന്നാണ് വിവരം.
4G കൂടുതൽ മെച്ചപ്പെടുത്തുന്നതിനും 5G സേവനങ്ങൾ ആരംഭിക്കുന്നതിനുമായി അടുത്ത കുറച്ച് പാദങ്ങളിൽ കാര്യമായ നിക്ഷേപങ്ങൾ Vii ആസൂത്രണം ചെയ്യുന്നു എന്ന് വിഐ വാർത്താക്കുറിപ്പിൽ പറഞ്ഞു. പുതിയ അൺലിമിറ്റഡ് വോയ്സ് കോളിംഗ് പ്ലാനുകൾ മിതമായ നിരക്കിൽ വർദ്ധിച്ചിട്ടുണ്ടെങ്കിലും കൂടുതൽ ആനുകൂല്യങ്ങൾ വാഗ്ദാനം ചെയ്യുന്നു. 28 ദിവസത്തേക്ക് 179 രൂപ വിലയുള്ള പ്ലാൻ ഇപ്പോൾ 199 രൂപയാണ്. 2 ജിബി ഡാറ്റയും അൺലിമിറ്റഡ് കോളിംഗും 300 എസ്എംഎസും നൽകുന്നു. അതുപോലെ, മുൻപ് 459 രൂപയായിരുന്ന 84 ദിവസത്തെ പ്ലാൻ ഇപ്പോൾ 509 രൂപയാണ്. അൺലിമിറ്റഡ് കോളിംഗും 300 എസ്എംഎസും സഹിതം 6 ജിബി ഡാറ്റയും വാഗ്ദാനം ചെയ്യുന്നു. ദീർഘകാല ഉപയോക്താക്കൾക്കായി, 24 ജിബി ഡാറ്റ, അൺലിമിറ്റഡ് കോളിംഗ്, 300 എസ്എംഎസ് എന്നിവ ഉൾപ്പെടെ 1799 രൂപ വിലയുള്ള വാർഷിക പ്ലാനുകൾ 1999 രൂപയായി പരിഷ്കരിക്കുകയും ചെയ്തു.
അധിക ഡാറ്റ ആവശ്യമുള്ള ഉപയോക്താക്കൾക്ക് അനുയോജ്യമായ ഡാറ്റ ആഡ്-ഓൺ പ്ലാനുകളിലും Vi താരിഫുകൾ ഉയർത്തിയിട്ടുണ്ട്. ഒരു ദിവസത്തെ ആഡ്-ഓൺ പ്ലാനിന് ഇപ്പോൾ 19 രൂപയിൽ നിന്ന് 22 രൂപയാണ് വില. 1GB അധിക ഡാറ്റയും വാഗ്ദാനം ചെയ്യുന്നു. മുമ്പ് 39 രൂപയായിരുന്ന 3 ദിവസത്തെ ആഡ്-ഓൺ പ്ലാനിന് ഇപ്പോൾ 48 രൂപയും 6ജിബി ഡാറ്റയും നൽകുന്നു.
Discussion about this post