സ്വർണം വാങ്ങാൻ പ്ലാനുണ്ടോ? അറിയാം ഇന്നത്തെ വില

തിരുവനന്തപുരം: സംസ്ഥാനത്ത് സ്വർണവില മാറ്റമില്ലാതെ തുടരുന്നു. ഒരു പവൻ സ്വർണത്തിന്റെ ഇന്നത്തെ വിപണി വില 53000 രൂപയാണ്. കഴിഞ്ഞ ദിവസം വിലയിൽ 320 രൂപയുടെ വർദ്ധനവ് ഉണ്ടായിരുന്നു.

മെയ് മാസം 20ന് സ്വർണവില ഉയർന്ന് പവന് 55,120 രൂപയിൽ വരെ എത്തിയിരുന്നു. തുടര്‍ന്ന് നാല് ദിവസത്തിനിടെ പവന് രണ്ടായിരം രൂപ കുറഞ്ഞ ശേഷം നേരിയ വ്യതിയാനങ്ങളോടെ വില ചാഞ്ചാടുകയാണ്. ഓഹരി വിപണിയിലും അന്താരാഷ്ട്ര വിപണിയിലും ഉണ്ടാകുന്ന വ്യതിയാനങ്ങൾക്ക് അനുസരിച്ചാണ് സ്വർണവിലയിലും മാറ്റങ്ങൾ ഉണ്ടാകുന്നത്.

ജൂൺ ഏഴിന് രേഖപ്പെടുത്തിയ 54,080 ആയിരുന്നു ഈ മാസത്തെ ഏറ്റവും ഉയർന്ന നിരക്ക്. ജൂൺ 8, 9, 10 തീയതികളിൽ ഈ മാസത്തെ ഏറ്റവും കുറഞ്ഞ നിരക്കായ 52,560 രൂപയും രേഖപ്പെടുത്തി.