കണ്ണൂർ : കണ്ണൂർ പയ്യന്നൂരിൽ യുവതിയെ ഫിറ്റ്നസ് സെന്ററിനുള്ളിൽ പൂട്ടിയിട്ട് പീഡിപ്പിച്ചതായി പരാതി. 20കാരിയായ യുവതിയാണ് പീഡിപ്പിക്കപ്പെട്ടതായി പരാതി നൽകിയിട്ടുള്ളത്. സംഭവത്തിൽ കണ്ണൂരിലെ മുതിർന്ന കോൺഗ്രസ് നേതാവിന്റെ മകനെ പോലീസ് അറസ്റ്റ് ചെയ്തു. പയ്യന്നൂരിൽ ഫിറ്റ്നസ് സെന്റർ നടത്തുന്ന ശരത് നമ്പ്യാർ ആണ് അറസ്റ്റിലായിട്ടുള്ളത്.
കണ്ണൂരിലെ മുതിർന്ന കോൺഗ്രസ് നേതാവ് എം നാരായണൻകുട്ടിയുടെ മകനാണ് ശരത് നമ്പ്യാർ. തിങ്കളാഴ്ച ആയിരുന്നു കേസിന് ആസ്പദമായ സംഭവം നടന്നത്. ഫിസിയോതെറാപ്പിക്കായി 20 വയസ്സുകാരിയായ യുവതി ഫിറ്റ്നസ് സെന്ററിൽ എത്തിയ സമയത്ത് മുറിക്കുള്ളിൽ പൂട്ടിയിട്ട് പീഡിപ്പിച്ചതായാണ് പരാതി.
പയ്യന്നൂർ പോലീസ് സ്റ്റേഷനിൽ യുവതി നേരിട്ട് എത്തിയാണ് പരാതി നൽകിയത്. മുതിർന്ന കോൺഗ്രസ് നേതാവിന്റെ മകനായ ശരത് നമ്പ്യാർക്കെതിരെ നേരത്തെയും ഇത്തരത്തിൽ നിരവധി ആരോപണങ്ങൾ ഉയർന്നിരുന്നു. യുവതിയുടെ പരാതിയുടെ അടിസ്ഥാനത്തിൽ പയ്യന്നൂർ പോലീസ് കേസ് രജിസ്റ്റർ ചെയ്ത് അന്വേഷണം ആരംഭിച്ചു.
