മുംബൈ: ഇന്ത്യൻ വേഷണമണിഞ്ഞ് ക്ഷേത്രദർശനം നടത്തി അന്താരാഷ്ട്ര മോഡലുകളായ കിം കർദാഷിയാനും ക്ലോ കർദാഷിയാനും .അനന്ത് അംബാനിയുടെയും രാധിക മർച്ചന്റിന്റെയും വിവാഹ ആഘോഷങ്ങളിൽ പങ്കെടുക്കാൻ ഇന്ത്യയിലെത്തിയതായണ് താരസഹോദരിമാർ. മുംബൈയിലെ ഇസ്കോൺ ക്ഷേത്രത്തിലാണ് ഇരുവരും ദർശനം നടത്തിയത്. ഇതിന്റെ ചിത്രങ്ങൾ സമൂഹമാദ്ധ്യമങ്ങളിൽ വൈറലാവുകയാണ്.
പരമ്പരാഗത ഇന്ത്യൻ വസ്ത്രങ്ങൾ ധരിച്ചാണ് കർദാഷിയൻ സഹോദരിമാർ ക്ഷേത്രത്തിലെത്തിയത് മനോഹരമായ ദുപ്പട്ടയ്ക്കൊപ്പം ചുവന്ന വസ്ത്രത്തിലാണ് കിം വന്നത്. അതേസമയം ക്ലോയ് വെളുത്ത ദുപ്പട്ടയ്ക്കൊപ്പം വെളുത്ത വസ്ത്രവുമാണ് ധരിച്ചിരിക്കുന്നത്. ചില ചിത്രങ്ങളിൽ, അവർ ക്ഷേത്ര പൂജാരിയുമായി സംഭാഷണത്തിൽ ഏർപ്പെട്ടിരിക്കുന്നതും കാണാം. മറ്റ് ഫോട്ടോകൾ കിമ്മും ക്ലോയും ക്ഷേത്രത്തിൽ കുട്ടികൾക്ക് ഭക്ഷണം വിളമ്പുന്നതും അവരുമായി ഇടപഴകുന്നതും കാണിക്കുന്നു.
ഇന്ത്യയിൽ നിന്ന് മടങ്ങിയതിന് ശേഷം, കിം തന്റെ സന്ദർശനത്തിന്റെ ചിത്രങ്ങൾ ഇൻസ്റ്റാഗ്രാമിൽ പങ്കിടുകയും അടിക്കുറിപ്പിൽ ‘ഇന്ത്യയ്ക്ക് എന്റെ ഹൃദയമുണ്ട്’ എന്നും എഴുതിയിരുന്നു.
Discussion about this post