ന്യൂഡൽഹി:വിയറ്റ്‌നാം പ്രധാനമന്ത്രി ഫാം മിൻ ചിന്നുമായി ചർച്ച നടത്തി പ്രധാനമന്ത്രി നരേന്ദ്രമോദി . സാങ്കേതികവിദ്യ, സുരക്ഷ, കണക്റ്റിവിറ്റി എന്നിവയുൾപ്പെടെ വിവിധ മേഖലകളിൽ ഇരു രാജ്യങ്ങളും സഹകരണം ശക്തമാക്കി എന്ന് പ്രധാനമന്ത്രി പറഞ്ഞു. ഹൈദരാബാദ് ഹൗസിൽ വച്ചാണ് ഇരുവരും ഉഭയകക്ഷി ചർച്ചകൾ നടത്തിയത്.
പ്രതിരോധം, സമുദ്രവ്യാപാരം, ഹരിത സമ്പദ്വ്യവസ്ഥ തുടങ്ങിയ മേഖലകളിൽ ഫാം മിൻ ചിന്നുമായി ചർച്ച നടത്തി. വിയറ്റ്നാമുമായുള്ള ഇന്ത്യയ്ക്ക് ഉള്ളത് ശക്തമായ സൗഹൃദമാണ് . ഈ ബന്ധം വിലമതിക്കുന്നതാണ് എന്ന് പ്രധാനമന്ത്രി എക്സിൽ കുറിച്ചു.
നേരേത്തെയും വിയറ്റ്‌നാം പ്രധാനമന്ത്രി ഫാം മിൻ ചിന്നുമായി ചർച്ചകൾ നടത്തിയിട്ടുണ്ട്. വിയറ്റ്നാമുമായുള്ള ശക്തമായ സൗഹൃദം ഇന്ത്യ വിലമതിക്കുന്നു. വർഷങ്ങളായി, വ്യാപാരം, ഊർജം, സാങ്കേതികവിദ്യ, സുരക്ഷ, കണക്റ്റിവിറ്റി എന്നിവയിലും അതിലേറെ കാര്യങ്ങളിലും ഞങ്ങൾ സഹകരണം ആഴത്തിലാക്കിയിട്ടുണ്ട്. ഇരു രാജ്യങ്ങളും തമ്മിലുള്ള സാംസ്‌കാരിക പൈതൃകത്തെ പ്രധാനമന്ത്രി മോദി അഭിനന്ദിക്കുകയും ചെയ്തു.
ഇന്ത്യയുമായുള്ള തന്ത്രപരമായ പങ്കാളിത്തം ഒരു പുതിയ തലത്തിലേക്ക് എത്തിയെന്ന പ്രധാനമന്ത്രി ഫാം മിൻ ചിൻ പറഞ്ഞു. വിയറ്റനാം സന്ദർശിക്കാൻ പ്രധാനമന്ത്രിയെ നരേന്ദ്രമോദിയെ അദ്ദേഹം ക്ഷണിക്കുകയും ചെയ്തു.
വിയറ്റ്‌നാം പ്രധാനമന്ത്രി മോദിയുടെ നേതൃത്വത്തെ പ്രശംസിച്ചു.അദ്ദേഹത്തിന്റെ നേതൃത്വത്തിൽ ഇന്ത്യ അഞ്ചാമത്തെ വലിയ സമ്പദ്വ്യവസ്ഥയായി. ഇത് ശ്രദ്ധേയമായ കാര്യമാണ് എന്നും ഫാം മിൻ ചിന്നു കൂട്ടിച്ചേർത്തു.
