ബംഗ്ലാദേശിലെ ഹിന്ദുക്കൾക്കെതിരായ അക്രമങ്ങൾക്ക് പിന്നിൽ ഭീകരസംഘടനകൾ; വിദ്യാർത്ഥി സംഘടനാ പ്രക്ഷോഭം മറമാത്രം; ഞെട്ടിക്കുന്ന ഇന്റലിജൻസ് റിപ്പോർട്ട്

ധാക്ക: ഷെയ്ഖ് ഹസീനയുടെ നേതൃത്വത്തിലുള്ള അവാമി ലീഗ് സർക്കാരിനെ പുറത്താക്കുന്നതിലേക്ക് നയിച്ച ബംഗ്ലാദേശിൽ നടന്നുകൊണ്ടിരിക്കുന്ന പ്രക്ഷോഭം തത്വത്തിൽ ഇന്ത്യയെ ഉന്നംവച്ചുള്ളതാണെന്ന് ഇന്റലിജന്റ് റിപ്പോർട്ട്. ബംഗ്ലാദേശിലെ പ്രതിഷേധങ്ങൾക്ക് നേതൃത്വം നൽകിയത് വിദ്യാർത്ഥികളാണെന്ന് തോന്നുമെങ്കിലും, അക്രമം, പ്രത്യേകിച്ച് ന്യൂനപക്ഷ ഹിന്ദുക്കൾക്ക് നേരെയുള്ളത് തീവ്രവാദ സംഘടനകൾ സംഘടിപ്പിച്ചതാണെന്ന് ഇന്റലിജൻസ് റിപ്പോർട്ടുകൾ വെളിപ്പെടുത്തുന്നു.

പാകിസ്താൻ ആസ്ഥാനമായുള്ള ലഷ്‌കർ-ഇ-തൊയ്ബ (എൽഇടി) ഇന്ത്യയുടെ വടക്കുകിഴക്കൻ സംസ്ഥാനങ്ങളിൽ ഭീകരാക്രമണം നടത്താൻ ബംഗ്ലാദേശിലെ അൻസറുല്ല ബംഗ്ലാ ടീമുമായി (എബിടി) പങ്കാളികളായതായി റിപ്പോർട്ടുകൾ ചൂണ്ടിക്കാണിക്കുന്നു.

ജമാഅത്തെ ഇസ്ലാമിയെയും എബിടി ഉൾപ്പെടെയുള്ള മറ്റ് നിരോധിത ഗ്രൂപ്പുകളെയും പിന്തുണയ്ക്കുന്നതിൽ നേരിട്ടുള്ള പങ്കാളിത്തത്തോടെ, ബംഗ്ലാദേശിലെ ‘ഭരണമാറ്റം’ പ്രവർത്തനത്തിൽ പാകിസ്ഥാന്റെ ഇന്റർ-സർവീസസ് ഇന്റലിജൻസ് (ഐഎസ്‌ഐ) ഒരു പ്രധാന പങ്ക് വഹിച്ചതായും വിവരങ്ങളുണ്ട്. ഇന്ത്യയിൽ ആക്രമണം നടത്തുക എന്ന ലക്ഷ്യത്തോടെ ബംഗാളിൽ അവർ ഒരു താവളം സ്ഥാപിച്ച 2022 മുതലാണ് എബിടിയുമായുള്ള ലഷ്‌കർ സഹകരിക്കുന്നത്.

ഏകദേശം 50 മുതൽ 100 വരെ എബിടി കേഡർമാർ ത്രിപുരയിലേക്ക് നുഴഞ്ഞുകയറാൻ പദ്ധതിയിട്ടിരുന്നതായി 2022 മുതലുള്ള ഇന്റലിജൻസ് റിപ്പോർട്ടുകൾ സൂചിപ്പിക്കുന്നു.അതേ വർഷം തന്നെ, ABT യുമായി ബന്ധമുള്ള നിരവധി ഭീകരർ അസമിൽ അറസ്റ്റിലായി, ഇത് വർദ്ധിച്ചുവരുന്ന ഭീഷണി ഉയർത്തിക്കാട്ടുന്നു.

2007-ൽ ജമാഅത്തുൽ-മുസ്ലിമീൻ എന്ന പേരിൽ എൻ.ജി.ഒ.യുടെ ധനസഹായത്തോടെ സ്ഥാപിതമായ ഈ സംഘടന സാമ്പത്തിക ഞെരുക്കം മൂലം മങ്ങി, 2013-ൽ അൻസറുല്ല ബംഗ്ലാ ടീമായി (എബിടി) പുനരാരംഭിച്ചു. 2015-ൽ നിരോധിച്ചതിന് ശേഷം, ABT സ്വയം അൻസാർ അൽ-ഇസ്ലാം എന്ന് പുനർനാമകരണം ചെയ്തു, അത് പിന്നീട് 2017-ൽ നിരോധിക്കപ്പെട്ടു.സൗത്ത് ഏഷ്യ ടെററിസം പോർട്ടലിന്റെ കണക്കനുസരിച്ച്, 2013 മുതൽ ബംഗ്ലാദേശിലുടനീളം ഏകദേശം 425 എബിടി/അൻസാർ അൽ-ഇസ്ലാം അംഗങ്ങൾ അറസ്റ്റിലായിട്ടുണ്ട്.