സിഡ്‌നി: ആസ്‌ട്രേലിയന്‍ പേസ് ബൗളര്‍ താരം ബ്രെറ്റ് ലീ ക്രിക്കറ്റില്‍ നിന്നും വിരമിക്കുന്നു. തന്റെ ഇരുപതു വര്‍ഷത്തെ കരിയറിന് വിരാമമിടാന്‍ പോകുന്നതെന്ന് താരം. എല്ലാ തരത്തിലുള്ള ക്രിക്കറ്റില്‍ നിന്നും താന്‍ വിരമിക്കുകയാണെന്ന് വ്യാഴാഴ്ചയാണ് പ്രഖ്യാപിച്ചത്.
താന്‍ വികാരഭരിതനും സന്തുഷ്ടനുമാണ്. എടുത്ത തീരുമാനത്തില്‍ ആശങ്കയില്ലെന്നും ശരിയായ തീരുമാനമാണ് എടുത്തതെന്നും മുപ്പത്തെട്ടുക്കാരനായ ബ്രെറ്റ് ലീ പറഞ്ഞു.
2012 ജൂലൈ 13 ന് ക്രിക്കറ്റില്‍ നിന്നും വിരമിച്ച ബ്രെറ്റ് ലീ 20 ട്വന്റികള്‍ കളിച്ചിരുന്നു. ഇന്ത്യന്‍ പ്രീമിയര്‍ ലീഗില്‍ കെല്‍ക്കത്ത നൈറ്റ് റൈഡേഴ്‌സ് ടീമിനു വേണ്ടി ഇദ്ദേഹം മല്‍സരിച്ചിരുന്നു.76 ടെസ്റ്റ്കള്‍ ബ്രെറ്റ് ലീ ആസ്‌ട്രേലിയക്കുവേണ്ടി കളിച്ചിരുന്നു ഇതില്‍ നിന്നും 310 വിക്കറ്റുകളും നേടിയിട്ടുണ്ട്.
ബിംഗാ എന്ന ചെല്ലപ്പേരില്‍ അറിയപ്പെടുന്ന ഇദ്ദേഹം 1999 ഡിസംബറില്‍ ഇന്ത്യക്കെതിരെയാണ് ടെസ്റ്റ് ക്രിക്കറ്റില്‍ അരങ്ങേറ്റം കുറിച്ചത്. ലോകത്തിലെ ഏറ്റവും വേഗമേറിയ ഫാസ്റ്റ് ബൗളര്‍മാരില്‍ ഒരാളായി പരിഗണിക്കപ്പെടുന്ന അദ്ദേഹം മികച്ച ഒരു ഫീല്‍ഡറും ഭേദപ്പെട്ട ഒരു പിന്‍നിര ബാറ്റ്‌സ്മാനുമാണ്.
Discussion about this post