വൻ മാറ്റം ; ബാങ്കുകളുടെ വായ്പാ പലിശ നിരക്ക് കൂട്ടി ; ഇനി മുതൽ ഇങ്ങനെ

കഴിഞ്ഞ ദിവസമാണ് പുതിയ പണവായ്പ നയപ്രഖ്യപനം ഉണ്ടായത്. പലിശ നിരക്കിൽ മാറ്റമില്ലാതെ തുടരുന്നതയിരുന്നു പുതിയ പ്രഖ്യാപനം. റിസർവ് ബാങ്ക് ,ബാങ്കുകൾക്ക് നൽകുന്ന വായ്പയുടെ പലിശയായ റിപ്പോനിരക്ക് 6.5 ശതമാനമായി തുടരും. തുടർച്ചയായ ഒൻപതാം തവണയാണ് പലിശ നിരക്ക് മാറ്റമില്ലാതെ തുടരുന്നത് . ഇതോടെ പല വായ്പാ ദാതാക്കളും പലിശ നിരക്ക് കൂട്ടിയിരിക്കുകയാണ്. പലിശ നിരക്കിൽ മാറ്റം വരുത്തിയവ ഏതെല്ലാമെന്ന് പരിശോധിക്കാം .

എസ്ബിഐ

പലിശ നിരക്ക് 0.10 ശതമാനമാണ് എസ്ബിഐ കൂട്ടിയത്. എംസിഎൽആർ അടിസ്ഥാനമാക്കിയുള്ള നിരക്കുകൾ 8.20% മുതൽ 9.1% വരെയായി പുതുക്കി നിശ്ചയിച്ചു. ഒരു ബാങ്കിന് ഉപഭോക്താക്കൾക്ക് വായ്പ നൽകാൻ കഴിയുന്ന ഏറ്റവും കുറഞ്ഞ പലിശ നിരക്കാണ് എംസിഎൽആർ . ആറ് മാസത്തെ എംസിഎൽആർ 8.85 ശതമാനമായി നിശ്ചയിച്ചിട്ടുണ്ട്.

ബാങ്ക് ഓഫ് ബറോഡ

ചില കാലയളവുകളിലെ വായ്പാ നിരക്കുകൾ അര ശതമാനം വരെ ബാങ്ക് ഓഫ് ബറോഡ വർദ്ധിപ്പിച്ചു. ഒരു മാസത്തെ നിരക്ക് 8.35% ആണ്. മ

എച്ച്ഡിഎഫ്സി ബാങ്ക്

എച്ച്ഡിഎഫ്സി ബാങ്കും പലിശ നിരക്കിൽ അര ശതമാനം വർധന വരുത്തി. പ്രതിമാസ പലിശ 9.10% ൽ നിന്ന് 9.15% ആയി വർദ്ധിച്ചു. മൂന്ന് മാസത്തെ കാലാവധി 9.20% ൽ നിന്ന് 9.25% ആക്കി. ആറ് മാസത്തെ എംസിഎൽആർ 9.35 ശതമാനത്തിൽ നിന്ന് 9.40 ശതമാനമായി ഉയർത്തി.

കാനറ ബാങ്ക്

കാനറ ബാങ്ക് പലിശ അര ശതമാനം വർധിപ്പിച്ചു. ഒരു മാസത്തെ നിരക്ക് 8.35% ആക്കി.

പിഎൻബി

പഞ്ചാബ് നാഷണൽ ബാങ്കും പലിശ നിരക്ക് 0.5 ശതമാനം വർധിപ്പിച്ചു. ഇതോടെ ഒരു മാസത്തെ എംസിഎൽആർ അടിസ്ഥാനമാക്കിയുള്ള വായ്പാ നിരക്ക് 8.35% ആയി. മൂന്ന് മാസത്തെ നിരക്ക് 8.55% ആണ്. ഒരു വർഷത്തെ നിരക്ക് 8.90% ആക്കിയിട്ടുണ്ട്

യൂകോ ബാങ്ക്

യുകോ ബാങ്ക് ചില കാലയളവിലെ പലിശ അര ശതമാനം കൂട്ടി. പുതുക്കിയ ആറ് മാസത്തേയും ഒരു വർഷത്തേയും എംസിഎൽആർ ഇപ്പോൾ 8.80 ശതമാനവും 8.95 ശതമാനവും ആണ്.