പത്തനംതിട്ട: പീഡനക്കേസിൽ ആരോപണ വിധേയനായ സി.സി സജിമോനെ പാർട്ടിയിൽ തിരിച്ചെടുത്തതിനെതിരെ സംസ്ഥാന നേതൃത്വത്തെ സമീപിച്ചയാൾക്കെതിരെ നടപടിയെടുത്ത് സി പി എം. തിരുവല്ല ടൗൺ നോർത്ത് ലോക്കൽ സെക്രട്ടറി കൊച്ചുമോനെയാണ് തൽസ്ഥാനത്തു നിന്നും പാർട്ടി നീക്കിയത്.
അതെ സമയം കൊച്ചുമോനെ കൂടാതെ ഏരിയ കമ്മറ്റി അംഗത്തിനെതിരെയും പാർട്ടി തലത്തിൽ നടപടി ഉണ്ടായിട്ടുണ്ട്. തിരുവല്ലയിൽ ഏരിയ കമ്മിറ്റി അംഗത്തിനെതിരെയും ലോക്കൽ സെക്രട്ടറിക്കെതിരെയുമാണ് പാർട്ടി നടപടി. ഇരുവരെയും തിരഞ്ഞെടുക്കപ്പെട്ട സ്ഥാനങ്ങളിൽ നിന്നും നീക്കി. ദേവസ്വം ബോർഡ് നിയമനക്കോഴ ആരോപണത്തിലാണ് ഏരിയ കമ്മറ്റി അംഗം പ്രകാശ് ബാബുവിനെതിരെ നടപടിയെടുത്തത്.
തിരുവല്ലയിൽ വീട്ടമ്മയെ പീഡിപ്പിച്ച് ഗർഭിണിയാക്കിയ കേസിലെ പ്രതിയായ സിപിഎം കോട്ടാലി ബ്രാഞ്ച് സെക്രട്ടറി സി.സി. സജിമോനെയാണ് പാർട്ടി തിരിച്ചെടുത്തത്. ഇതിനെതിരെയാണ് കൊച്ചുമോൻ പാർട്ടി സംസ്ഥാന നേതൃത്വത്തെ സമീപിച്ചത്.
Discussion about this post