എറണാകുളം: ഓൺലൈൻ ലോൺ ദാതാക്കളുടെ ഭീഷണിയെ തുടര്ന്ന് യുവതി ആത്മഹത്യ ചെയ്തു . എറണാകുളം വേങ്ങൂർ എടപ്പാറ സ്വദേശിനി ആരതി (30) യെ ആണ് വീടിനുള്ളില് മരിച്ച നിലയില് കണ്ടെത്തിയത്. ഇന്ന് ഉച്ചയോടെയാണ് ഇവരെ കിടപ്പുമുറിയിൽ തൂങ്ങിമരിച്ച നിലയിൽ കണ്ടെത്തിയത്.
യുവതിയുടെയും ഭർത്താവിന്റെയും ഫോണിലേക്ക് നഗ്ന ഫോട്ടോകൾ അയച്ചു നൽകുമെന്ന് ഭീഷണിപ്പെടുത്തിയിരുന്നതായി നാട്ടുകാർ പറയുന്നു. മൊബൈൽ ഫോൺ കസ്റ്റഡിയിലെടുത്ത് കുറുപ്പുംപടി പോലീസ് അന്വേഷണം തുടങ്ങി.
