പേസ്റ്റ് ഉപയോഗിച്ച് പല്ല് തേയ്ക്കുന്നവർ ആയിരിക്കും നമ്മൾ എല്ലാവരും. എന്നാൽ ഇതേ പേസ്റ്റ് ഉപയോഗിച്ച് പാത്രങ്ങൾ വൃത്തിയാക്കാമെന്നകാര്യം എത്ര പേർക്ക് അറിയും?. പേസ്റ്റ് ഉപയോഗിച്ച് കരിഞ്ഞു പിടിച്ച പാത്രങ്ങൾ അതിവേഗം നമുക്ക് വൃത്തിയാക്കി എടുക്കാം. മാത്രമല്ല അടുക്കളയുടെ മൊത്തത്തിലുള്ള വൃത്തിക്കായും നമുക്ക് പേസ്റ്റ് ഉപയോഗിക്കാം.
ഭക്ഷണം പാകം ചെയ്യുമ്പോൾ ഇടയ്ക്കെങ്കിലും പാത്രം കരിഞ്ഞ് പിടിക്കാറുണ്ട്. ഇത് വൃത്തിയാക്കാൻ സോപ്പ് പോര. കരിഞ്ഞ് പിടിച്ച ഭാഗത്ത് പേസ്റ്റ് കൊണ്ട് തേയ്ക്കണം. ശേഷം 20 ഓളം മിനിറ്റ് അങ്ങിനെ വയ്ക്കുക. ശേഷം സ്ക്രബ്ബർ ഉപയോഗിച്ച് എളുപ്പത്തിൽ വൃത്തിയാക്കാം.
സ്റ്റീൽ പാത്രങ്ങൾ ദീർഘനാൾ ഉപയോഗിക്കാതെ ഇരുന്നാൽ തുരുമ്പ് പോലെ വരുന്നത് കാണാം. ഇത് മാറ്റാനും പേസ്റ്റ് ഉപയോഗിക്കാം. അൽപ്പം ടൂത്ത് പേസ്റ്റ് എടുത്ത് ഈ ഭാഗത്ത് തേച്ച് പിടിപ്പിയ്ക്കുക. ശേഷം ഇത് സ്ക്രബ്ബർ ഉപയോഗിച്ച് വൃത്തിയാക്കാം. സ്റ്റെയിൻലെസ് സ്റ്റീൽ പാത്രങ്ങളിൽ പേസ്റ്റ് തേച്ച ശേഷം തുണി കൊണ്ട് തുടയ്ക്കുന്നത് പാത്രം പുതിയത് പോലെ തിളങ്ങാൻ സഹായിക്കും.
ഭക്ഷണ പഥാർത്ഥങ്ങൾ സൂക്ഷിക്കുന്ന പാത്രങ്ങളിൽ കറ ഉണ്ടാകുന്നത് സ്വാഭാവികം ആണ്. ഇത് ഇല്ലാതെ ആക്കാനും പേസ്റ്റ് ഉപയോഗിച്ച് വൃത്തിയാക്കാം. പച്ചക്കറി അരിയുന്ന കട്ടിംബ് ബോർഡിലെ ദുർഗന്ധം ഇല്ലാതാക്കാൻ പേസ്റ്റ് ഉപയോഗിച്ച് വൃത്തിയാക്കാം. പേസ്റ്റ് തേച്ച് വച്ച ശേഷം വെള്ളത്തിൽ കഴുകി എടുത്താൽ മതി. അടുക്കളയിലെ ചുവരുകളിൽ പതിപ്പിച്ച ടൈൽസ് വൃത്തിയാക്കാനും പേസ്റ്റ് ഉപയോഗിക്കാം. സിങ്കിലെയും പൈപ്പുകളിലെയും കറയും പേസ്റ്റ് കൊണ്ട് വൃത്തിയാക്കാം.
Discussion about this post