എറണാകുളം: പക്ഷിപ്പനിയെ തുടർന്ന് നാല് ജില്ലകളിൽ കോഴി, താറാവ് വളർത്തലിന് നിരോധനം ഏർപ്പെടുത്തി സർക്കാർ വിജ്ഞാപനം. ആലപ്പുഴ, പത്തനംതിട്ട, കോട്ടയം, എറണാകുളം ജില്ലകളിലാണ് നിരോധനം ഏർപ്പെടുത്തിയത്. നാല് മാസത്തേക്കാണ് നിരോധനം ഏർപ്പെടുത്തിയത്.
താറാവ്, കോഴി വളർത്തലിന് ആലപ്പുഴ ജില്ലയിൽ പൂർണമായും നിരോധനം ഏർപ്പെടുത്തിയിട്ടുണ്ട്. പത്തനംതിട്ടയിൽ 10 ഗ്രാമപഞ്ചായത്ത്, രണ്ട് മുനിസിപ്പാലിറ്റി, എന്നിവിടങ്ങളിലാണ് നിരോധനം. കോട്ടയം ജില്ലയിലെ വൈക്കം, ചങ്ങനാശേരി, താലൂക്കുകളിലും എറണാകുളത്തെ നാല് പഞ്ചായത്തുകളിലും നിരോധനം ഏർപ്പെടുത്തിയിട്ടുണ്ട്. ഈ പ്രദേശങ്ങളിൽ കോഴി, താറാവ് വളർത്തലോ മുട്ടകളുടെ വിതരണമോ പാടില്ലെന്നാണ് നിർദേശം.
Discussion about this post