ന്യൂഡൽഹി: തൻ്റെ മൂന്നാം ടേമിൻ്റെ ആദ്യ 100 ദിവസങ്ങളിൽ പ്രതിപക്ഷം കടുത്ത രീതിയിൽ പരിഹസിച്ചുവെന്നും എന്നാൽ അവരുടെ ഭാഗത്ത് നിന്നും ഉണ്ടായ ഒരു അപമാനത്തിനും മറുപടി നൽകാത്തതിന് എന്താണ് കാരണമെന്നും വ്യക്തമാക്കി പ്രധാനമന്ത്രി നരേന്ദ്ര മോഡി. അവരുടെ അപമാനങ്ങൾക്ക് മറുപടി നൽകൽ അല്ല, മറിച്ച് ഇന്ത്യയിലെ ജനങ്ങൾക്ക് താൻ വാഗ്ദാനം ചെയ്തതുപോലെ 100 ദിവസത്തേക്ക് സർക്കാരിൻ്റെ അജണ്ട പൂർത്തിയാക്കുമെന്ന് ഉറപ്പാക്കാനാണ് താൻ തീരുമാനിച്ചതെന്ന് പ്രധാനമന്ത്രി നരേന്ദ്ര മോദി തിങ്കളാഴ്ച പറഞ്ഞു. അഹമ്മദാബാദിലെ ജിഎംഡിസി ഗ്രൗണ്ടിൽ നടന്ന ചടങ്ങിൽ ജനങ്ങളെ അഭിസംബോധന ചെയ്തു കൊണ്ട് മോദി പറഞ്ഞു.
“കഴിഞ്ഞ 100 ദിവസത്തിനുള്ളിൽ, 15 ലക്ഷം കോടി രൂപയുടെ പദ്ധതികളുടെ പ്രവർത്തനങ്ങൾ നമ്മൾ ആരംഭിച്ചു,” . ഇന്ത്യയിലായാലും വിദേശത്തായാലും രാജ്യത്തെ മുന്നോട്ട് കൊണ്ടുപോകുന്നതിൽ താൻ ഒരു വിട്ടുവീഴ്ചയും കാണിച്ചില്ല . പ്രതിപക്ഷത്തിൻ്റെ അവഹേളനങ്ങൾക്കിടയിലും, നയങ്ങൾ രൂപീകരിക്കുന്നതിനും പൊതുജനക്ഷേമത്തിനും രാജ്യതാത്പര്യത്തിനും വേണ്ടിയുള്ള തീരുമാനങ്ങൾ എടുക്കുന്നതിനുമായാണ് താൻ ആദ്യ 100 ദിവസം നീക്കിവച്ചതെന്ന് അദ്ദേഹം വ്യക്തമാക്കി.
ഇന്ത്യയുടെ ഐക്യവും അഖണ്ഡതയും തകർക്കാൻ ലക്ഷ്യമാക്കിയുള്ള നിഷേധാത്മകതയിൽ ചിലർ മുഴുകിയിരിക്കുകയാണ്. അവർ രാജ്യത്തെ വിഭജിക്കാൻ ആഗ്രഹിക്കുന്നു. എന്നാൽ ജനങ്ങളുടെ ജീവിതം മെച്ചപ്പെടുത്തുന്നതിലാണ് സർക്കാർ ശ്രദ്ധ കേന്ദ്രീകരിക്കുന്നതെന്നും അദ്ദേഹം കൂട്ടിച്ചേർത്തു.
