മുന്‍കാലങ്ങളില്‍ നിന്ന് വ്യത്യസ്തമായി അന്റാര്‍ട്ടിക്കയില്‍ കൂടുതല്‍ പച്ചപ്പ് നിറയുന്നതായി പഠന റിപ്പോര്‍ട്ട്. കഴിഞ്ഞ 30 വര്‍ഷങ്ങളെ അപേക്ഷിച്ച് സമീപ വര്‍ഷങ്ങളില്‍ ഈ പ്രവണത 30 ശതമാനം വര്‍ധിച്ചെന്നും പഠനത്തില്‍ പറയുന്നു.
1986 നും 2021 നും ഇടയില്‍ അന്റാര്‍ട്ടിക്ക് ഉപദ്വീപിലുടനീളം സസ്യജാലങ്ങളുടെ വളര്‍ച്ച പതിന്മടങ്ങ് വര്‍ദ്ധിച്ചതായാണ് യുകെയിലെ എക്‌സെറ്റര്‍ സര്‍വകലാശാലയിലെ ഗവേഷകരുടെ കണ്ടെത്തല്‍. ഉപഗ്രഹ ചിത്രങ്ങളും ഡേറ്റയും ഉപയോഗപ്പെടുത്തിയാണ് ഇവര്‍ അന്റാര്‍ട്ടിക്ക് ് ഉപദ്വീപിന്റെ ‘ഗ്രീന്‍ റേറ്റ്’ കണക്കാക്കിയത്.
2016-2021 കാലയളവില്‍ സസ്യങ്ങളുടെ വളര്‍ച്ച അന്റാര്‍ട്ടിക്കയിലെ കടല്‍-ഐസ് വിസ്തൃതിയില്‍ ഗണ്യമായ കുറവുണ്ടായതായും നേച്ചര്‍ ജിയോസയന്‍സ് ജേണലില്‍ പ്രസിദ്ധീകരിച്ച പഠനത്തില്‍ പറയുന്നു. അന്റാര്‍ട്ടിക്ക ഉപദ്വീപിലുടനീളം വ്യാപകമായ ഹരിതവല്‍ക്കരണം നടക്കുന്നുവെന്നും ഇത് വളരെ വേഗത്തിലാണെന്നും പഠനം റിപ്പോര്‍ട്ട് പറയുന്നു.
‘അന്റാര്‍ട്ടിക്കയില്‍ കണ്ടെത്തിയ സസ്യങ്ങള്‍ ഭൂരിഭാഗം പായല്‍ വര്‍ഗ്ഗത്തില്‍ പെടുന്നവയാണ് എങ്കിലും കഠിനമായ സാഹചര്യത്തെ അതിജീവിച്ച് അവ മികച്ച രീതിയില്‍ വളരുന്നു. മഞ്ഞ്, ഐസ്,പാറ എന്നിവ ഇത്തരം സസ്യജാലങ്ങളാല്‍ നിറയുന്നതായും’ ഗവേഷകമായ തോമസ് റോളണ്ട് പറഞ്ഞു.
അന്റാര്‍ട്ടിക്കയിലെ കാലാവസ്ഥയില്‍ ഇങ്ങനെ സംഭവിക്കുന്നത് ഭാവിയില്‍ വലിയ മാറ്റങ്ങളിലേക്ക് വഴിതെളിച്ചേക്കുമെന്നാണ് ഗവേഷകര്‍ കരുതുന്നത്. ഇത് ഭൂമിയുടെ മുഴുവന്‍ കാലാവസ്ഥയെയും തകിടം മറിക്കാന്‍ പോന്ന കാര്യമാണെന്നും ഇവരില്‍ ചിലര്‍ക്ക് അഭിപ്രായമുണ്ട്.
Discussion about this post