ടെലികോം കമ്പനിയായ ബിഎസ്എൻഎൽ സർവ്വത്ര’ വൈഫൈ പദ്ധതി പൊതുമേഖല കേരളത്തിലേക്കും കൊണ്ടുവരുന്നു. എവിടെ പോയാലും വീട്ടിലെ ഫൈബർ ടു ദി ഹോം വൈഫൈ കണക്ഷൻ ഫോണിൽ ഉപയോഗിക്കാൻ കഴിയുന്നതാണ് സർവ്വത്ര പദ്ധതി.
ഇനി റേഞ്ചില്ല എന്നുള്ള പരാതി ഒന്നും വേണ്ട. ബിഎൻഎല്ലിന്റെ സർവ്വത്ര’ വൈഫൈ പദ്ധതി യിൽ എവിടെ വേണമെങ്കിലും ഇനി നെറ്റ് ഉപയോഗിക്കാൻ സാധിക്കും . വീട്ടിൽ നിന്ന് ഇവിടെ പോയാലും ഈ നെറ്റ് ഉപയോഗിക്കാം എന്നതാണ് ഇതിന്റെ ഏറ്റവും വലിയ പ്രത്യേകത. നിങ്ങളുടെ വീട് തിരുവനന്തപുരത്താണെങ്കിലും മറ്റേത് ജില്ലയിൽ പോയാലും വീട്ടിലെ ബിഎസ്എൻഎൽ വൈഫൈ കണക്ഷൻ അവിടെ വച്ച് ഫോണിൽ ഉപയോഗിക്കാൻ കഴിയും. ബിഎസ്എൻഎല്ലിൻറെ സർവ്വത്ര എന്ന സംവിധാനം ഉപയോഗിച്ചാണ് വീട്ടിലെ വൈഫൈ കണക്ഷൻ ഫോണിൽ ഇന്ത്യയിലെവിടെയും ലഭിക്കുക.
ഇത് എങ്ങനെയാണ് സാധ്യമാവുക എന്ന ചോദ്യമായിരിക്കും ഇനി ഉണ്ടാവുക ?
സർവ്വത്ര സംവിധാനം ലഭിക്കാൻ നിങ്ങൾ ഇൻറർനെറ്റ് ആക്സസ് ചെയ്യാൻ ശ്രമിക്കുന്ന സ്ഥലത്തും ബിഎസ്എൻഎല്ലിൻറെ വൈഫൈ കണക്ഷൻ ഉണ്ടാകേണ്ടതുണ്ട്. റെയിൽവേ സ്റ്റേഷനുകൾ, ഹോട്ടലുകൾ തുടങ്ങിയ ഇടങ്ങളിൽ സുഖമായി ഇത്തരത്തിൽ ബിഎസ്എൻഎല്ലിൻറെ സർവ്വത്ര വൈഫൈ ഉപയോഗിക്കാൻ കഴിയും. നിങ്ങളൊരു റെയിൽവേ സ്റ്റേഷനിലാണെങ്കിൽ അവിടുത്തെ വൈഫൈയുമായി വീട്ടിലെ വൈഫൈ ബന്ധിപ്പിച്ചാണ് ഫോണിൽ ഇൻറർനെറ്റ് ലഭ്യമാവുക. ഇന്ത്യയിലുനീളം FTTH ശ്യംഖലയുള്ളത് ബിഎസ്എൻഎല്ലിൻറെ സർവ്വത്ര പദ്ധതിക്ക് ഗുണകരമാകും.
Discussion about this post