തിരുവനന്തപുരം : സംസ്ഥാനത്ത് പുതിയ റെക്കോർഡിലേക്ക് എത്തിയിരിക്കുകയാണ് സ്വർണവില. ഇന്ന് ഒറ്റയടിക്ക് വർദ്ധിച്ചത് 320 രൂപയാണ്. ഇതോടെ ഒരു പവന് 58,240 രൂപയായി മാറി. ഒരു ഗ്രാം സ്വർണത്തിന് വില കൂടിയത് 40 രൂപയാണ്. ഇതോടെ ഒരു ഗ്രാമിന് 7,280 രൂപയായി.
കഴിഞ്ഞ ദിവസമാണ് സ്വർണത്തിന്റെ വില ആദ്യമായി 57000 കടന്നത്. ഇന്നലെ സ്വർണത്തിന്റെ വില 57,280 രൂപയായിരുന്നു. നാലു ദിവസത്തിനിടെ ഉയർന്നത് 1460 രൂപയാണ്. ഒക്ടോബർ പത്തിനായിരുന്നു ഈ മാസത്തെ ഏറ്റവും കുറഞ്ഞ സ്വർണനിരക്ക്. അന്ന് 56,000 രൂപയായിരുന്നു ഒരുപവൻ സ്വർണത്തിന്റെ വില. ഈ പോക്ക് തുടരുകയാണെങ്കിൽ അടുത്ത ആഴ്ച തന്നെ 60,000 കടക്കും എന്നാണ് റിപ്പോർട്ട്.
