ന്യൂഡൽഹി : ഹോട്ടലുകൾക്ക് നേരെ ബോംബ് ഭീഷണി. മൂന്നു സംസ്ഥാനങ്ങളിലെ 23 ഹോട്ടലുകൾക്ക് നേരെയാണ് ഭീഷണി.കൊൽക്കത്ത, തിരുപ്പതി, രാജ്കോട്ട് എന്നിവിടങ്ങളിലെ ഹോട്ടലുകൾക്കാണ് ഭീഷണി മുഴക്കിയത്. ഇമെയിലിലൂടെയാണ് ബോംബ് ഭീഷണി സന്ദേശം ലഭിച്ചത്.
വ്യാജ ഐഡിയിൽനിന്നാണ് സന്ദേശം ലഭിച്ചത്. കറുത്ത ബാഗിലാണ് ബോംബ് വെച്ചിരിക്കുന്നതെന്നാണ്് സന്ദേശം. എന്നാൽ പരിശോധനയിൽ ഒന്നും തന്നെ കണ്ടെത്താൻ സാധിച്ചില്ല.
കൊൽക്കത്തയിലെ പത്ത് ഹോട്ടലുകൾക്കും , തിരുപ്പതിയിൽ മൂന്നു ഹോട്ടലുകൾക്കാണ് ബോംബ് ഭീഷണി സന്ദേശം ലഭിച്ചത്. പരിശോധനയിൽ സന്ദേശങ്ങൾ വ്യാജമാണെന്ന് വ്യക്തമായി. രാജ്കോട്ടിലെ 10 ഹോട്ടലുകൾക്കാണ് ഭീഷണി സന്ദേശം ലഭിച്ചത്. പരിശോധനയിൽ ഒന്നും കണ്ടെത്താനായില്ലെന്ന് രാജ്കോട്ട് ഡപ്യൂട്ടി കമ്മിഷണർ മാദ്ധ്യമങ്ങളോട് പറഞ്ഞു.
Discussion about this post