ന്യൂഡല്‍ഹി: കുറഞ്ഞ വിലയില്‍ പ്ലാനുകള്‍ ഉള്ളതുകൊണ്ട് കൂടുതല്‍ ഇന്റര്‍നെറ്റ് ഉപയോക്താക്കള്‍ ബിഎസ്എന്‍എലിലേക്ക് എത്തിയിരിക്കുകയാണ്. 4ജി നെറ്റ് വര്‍ക്ക് അടിസ്ഥാന സൗകര്യങ്ങള്‍ മെച്ചപ്പെടുത്തുന്നതിന്റെ തിരക്കിലാണ് ബിഎസ്എന്‍എല്‍ ഇപ്പോള്‍. 4 ജി സാങ്കേതികവിദ്യയെ സപ്പോര്‍ട്ട് ചെയ്യുന്നതിന്റെ ഭാഗമായി ടവറുകളുടെ നവീകരണത്തില്‍ കമ്പനി ശ്രദ്ധ കേന്ദ്രീകരിക്കുകയാണ്.
ടെലികമ്മ്യൂണിക്കേഷന്‍സ് വകുപ്പ് ബിഎസ്എന്‍എലിന് 700MHz, 2100 MHz എന്നീ രണ്ട് ഫ്രീക്വന്‍സി ബാന്‍ഡുകള്‍ അനുവദിച്ചിട്ടുണ്ട്. 2100 മെഗാഹെര്ട്സ് ബാന്‍ഡിന് പരിമിതമായ ശേഷി മാത്രമേയുള്ളൂ, ഇത് നെറ്റ്വര്‍ക്കും പ്രകടനത്തെ സാരമായി തടസ്സപ്പെടുത്തും. കൂടാതെ, 700 മെഗാഹെര്ട്സ് ബാന്‍ഡ്, പ്രാഥമികമായി 5ജി സേവനങ്ങള്‍ക്കായി ഉദ്ദേശിച്ചിട്ടുള്ളതാണെങ്കിലും, ബിഎസ്എന്‍എല്‍ 4ജി ആപ്ലിക്കേഷനുകള്‍ക്കായി ഉപയോഗിക്കുന്നു.
4ജി നെറ്റ്വര്‍ക്കില്‍ ഇന്റര്‍നെറ്റ് വേഗതയും കണക്റ്റിവിറ്റിയും വര്‍ദ്ധിപ്പിക്കുന്നതിന്, 5ജി സപ്പോര്‍ട്ട് ചെയ്യുന്ന സ്മാര്‍ട്ട്‌ഫോണില്‍ സിം കാര്‍ഡ് ഉപയോഗിക്കാന്‍ ഉപയോക്താക്കളോട് നിര്‍ദ്ദേശിക്കുകയാണ് കമ്പനി. ഇതു കൂടാതെ മികച്ച പെര്‍ഫോര്‍മെന്‍സ് ആഗ്രഹിക്കുന്ന ഉപയോക്താക്കള്‍ ഇക്കാര്യങ്ങള്‍ ചെയ്യണം.
1. സ്മാര്‍ട്ട്ഫോണിന്റെ സെറ്റിങ്സ് മെനുവിലേക്ക് എത്തുക
2. ‘നെറ്റ്വര്‍ക്ക്, ഇന്റര്‍നെറ്റ്’ ഒപ്ഷന്‍ എടുക്കുക
3. ‘സിം കാര്‍ഡ്’ ഓപ്ഷന്‍ തെരഞ്ഞെടുക്കുക.
4. ഡ്യുവല്‍ സിം ഡിവൈസുകളുടെ കാര്യത്തില്‍, ബിഎസ്എന്‍എല്‍ സിം തെരഞ്ഞെടുത്തിട്ടുണ്ടെന്ന് ഉറപ്പാക്കുക.
5. ബിഎസ്എന്‍എല്‍ സിം ഹൈലൈറ്റ് ചെയ്തുകഴിഞ്ഞാല്‍, ഒപ്റ്റിമല്‍ കണക്റ്റിവിറ്റിക്കായി 5ജി / 4ജി / എല്‍ടിഇ മോഡ് തെരഞ്ഞെടുക്കുക.
