മുംബൈ : ബോളിവുഡ് താരം സൽമാൻ ഖാന് വീണ്ടും വധഭീഷണി. ലോറൻസ് ബിഷ്‌ണോയ്‌യുടെ സഹോദരൻ എന്ന് വിശേഷിപ്പിക്കുന്നയാളാണ് ഭീഷണി സന്ദേശം അയച്ചത്. മുംബൈ പോലീസിന്റെ ട്രാഫിക് കൺട്രോളിലേക്കാണ് ഭീഷണി സന്ദേശം വന്നത്.
സൽമാൻ ഖാന് സ്വന്തം ജീവൻ വേണമെങ്കിൽ ഞങ്ങളുടെ ക്ഷേത്രത്തിലെത്തി മാപ്പു പറയുകയോ അഞ്ചുകോടി നൽകുകയോ വേണം. അങ്ങനെ ചെയ്തില്ലെങ്കിൽ അദ്ദേഹത്തെ ഞങ്ങൾ കൊല്ലും. ഞങ്ങളുടെ ഗ്യാങ് ഇപ്പോഴും സജീവമാണ് എന്നാണ് ഭീഷണി സന്ദേശത്തിൽ പറയുന്നത്.
കഴിഞ്ഞ ദിവസമാണ് ഭീഷണി സന്ദേശം ലഭിച്ചത്. ഭീഷണി സന്ദേശം അയച്ചയാളെ കണ്ടെത്താനുള്ള അന്വേഷണം ആരംഭിച്ചിട്ടുണ്ട് എന്ന് പോലീസ് പറഞ്ഞു. സന്ദേശം അയച്ച നമ്പർ കണ്ടെത്താനായിട്ടുണ്ടെന്നാണ് വിവരം. ഒരാഴ്ചയ്ക്കിടെ സൽമാൻ ഖാന് നേരിടുന്ന രണ്ടാമത്തെ വധഭീഷണിയാണിത്. ഒരു അജ്ഞാത വ്യക്തി മോചനദ്രവ്യമായി രണ്ട് കോടി രൂപ ആവശ്യപ്പെട്ട് ഭീഷണി നടത്തിയിരുന്നു. പണം നൽകിയില്ലെങ്കിൽ താരത്തിന്റെ ജീവിതം അവസാനിപ്പിച്ചു കളയും എന്നാണ് ഭീഷണിപ്പെടുത്തിയിരുന്നത്.
Discussion about this post