ലോകത്തെ ഏറ്റവും മികച്ച പാചകരീതികളുള്ള രാജ്യങ്ങളുടെ പട്ടിക പുറത്ത്വിട്ട് പ്രമുഖ ഫുഡ് ആന്ഡ് ട്രാവല് ഗൈഡായ ടേസ്റ്റ് അറ്റ്ലസ്. പട്ടികയില് 12-ാം സ്ഥാനത്ത് ആണ് ഇന്ത്യ. പ്രമുഖ ഫുഡ് ആന്ഡ് ട്രാവല് ഗൈഡായ ടേസ്റ്റ് അറ്റ്ലസ് ആണ് പട്ടിക പുറത്തുവിട്ടത്.
ഗ്രീസ്, ഇറ്റലി, മെക്സിക്കോ, സ്പെയിന് രാജ്യങ്ങളിലെ പാചകരീതികളാണ് ഏറ്റവും മികച്ചതെന്ന് ടേസ്റ്റ് അറ്റ്ലസ് പുറത്തുവിട്ട പട്ടിക പറയുന്നു. വിവിധ ഭക്ഷ്യ പദാര്ഥങ്ങളുടെ റേറ്റിങ്ങുകള് അനുസരിച്ചാണ് പട്ടിക തയ്യാറാക്കിയത്.
ആദ്യ പത്ത് സ്ഥലങ്ങൾ പോര്ച്ചുഗല്, തുര്ക്കി, ഇന്ഡോനീഷ്യ, ഫ്രാന്സ്, ജപ്പാന്, ചൈന എന്നീ രാജ്യങ്ങള് സ്വന്തമാക്കിയിട്ടുണ്ട്. മികച്ച പാചകരീതികളോടൊപ്പം മികച്ച വിഭവങ്ങള്, റസ്റ്ററന്റുകള് തുടങ്ങിയവയുടെ പട്ടികയും ടേസ്റ്റ് അറ്റ്ലസ് പുറത്തുവിട്ടിട്ടുണ്ട്. അമൃത്സരി കുല്ച്ച, ബട്ടര് ഗാര്ലിക് നാന്, ഹൈദരാബാദ് ബിരിയാണി തുടങ്ങിയ ഇന്ത്യന് വിഭവങ്ങള് ആണ് ഈ ലിസ്റ്റില് മുന്നിട്ടു നില്ക്കുന്നത്.
ടേസ്റ്റ് അറ്റ്ലസ് അവാര്ഡ് 2024-25 ന്റെ ഭാഗമായാണ് വിവിധ കാറ്റഗറികളിലുള്ള പട്ടിക പുറത്തുവിട്ടത്. ലോകത്തിലെ ഏറ്റവും മികച്ച ഫ്രൈഡ് ചിക്കന് പട്ടികയില് മൂന്നാം സ്ഥാനത്ത് ഇന്ത്യയുടെ ചിക്കന് 65-നെയാണ് ടേസ്റ്റ് അറ്റ്ലസ് തിരഞ്ഞെടുത്തത്. ബെസ്റ്റ് ഫ്രൈഡ് ചിക്കന് വിഭവങ്ങളുടെ പട്ടികയില് ആദ്യപത്തിലിടം നേടിയ ഏക ഇന്ത്യന് വിഭവം കൂടിയാണ് ചിക്കന് 65. ഇഞ്ചി, നാരങ്ങ, ചുവന്ന മുളക്, കൂടാതെ മറ്റു പലതരം സുഗന്ധവ്യഞ്ജനങ്ങള് എന്നിവ കൊണ്ട് മാരിനേറ്റ് ചെയ്ത ഡീപ്-ഫ്രൈഡ് ചിക്കന് എന്നാണ് ടേസ്റ്റ് അറ്റ്ലസ് ചിക്കന് 65നെ വിശേഷിപ്പിച്ചിരിക്കുന്നത്.
പട്ടികയില് ആദ്യസ്ഥാനങ്ങളിലുള്ളത് ഏഷ്യന് രാജ്യങ്ങളില് നിന്നുള്ള വിഭവങ്ങളാണ്. ദക്ഷിണ കൊറിയയില് നിന്നുള്ള ചിക്കന്, ജപ്പാനിലെ കരാഗേ എന്നിവയാണ് ഒന്നും രണ്ടും സ്ഥാനങ്ങളില് ഇടംനേടിയിരിക്കുന്നത്.
Discussion about this post