തിരുവനന്തപുരം: അടുത്തകാലത്തായി സംസ്ഥാനത്ത് അടിക്കടിയുണ്ടാകുന്ന വാഹനാപകടങ്ങള് നിയന്ത്രിക്കാന് പോലീസും മോട്ടോര് വാഹന വകുപ്പും നടത്തുന്ന സംയുക്ത പരിശോധന ഇന്ന് മുതല്. ബ്ലാക്ക് സ്പോട്ടുകള് കേന്ദ്രീകരിച്ചാകും ആദ്യഘട്ട പരിശോധന. അമിതവേഗം, മദ്യപിച്ച് വാഹനമോടിക്കല്, അമിതഭാരം കയറ്റല്, അശ്രദ്ധമായി വാഹനമോടിക്കല്, തുടങ്ങിയ നിയമലംഘനങ്ങള്ക്ക് കര്ശന നടപടിയുണ്ടാകും എന്നാണ് അധികൃതർ താക്കീത് നൽകുന്നത്.
നിയമലംഘനങ്ങൾക്ക് കർശനമായ ശിക്ഷ നൽകുവാൻ എല്ലാ സംസ്ഥാന പാതകളിലും ചെറുറോഡുകളിലും AI ക്യാമറകള് സ്ഥാപിക്കാനുള്ള ശിപാര്ശ തയ്യാറാക്കാന് ട്രാഫിക് IG ക്ക് നിര്ദേശം നല്കിയിട്ടുണ്ട്. സ്പീഡ് റഡാറുകള്, ആല്ക്കോമീറ്ററുകള് എന്നിവയുമായി എല്ലാ ഹൈവേ പൊലീസ് വാഹനങ്ങളും 24 മണിക്കൂറും പ്രവര്ത്തിക്കും.
ഇത് കൂടാതെ റോഡ് സുരക്ഷാ അതോറിറ്റി യോഗങ്ങള് എല്ലാ ജില്ലകളിലും നടത്തും.റോഡ് ഘടനയിലും ട്രാഫിക്കിലും വരുത്തേണ്ട മാറ്റങ്ങള്ക്ക് രൂപരേഖ തയ്യാറാക്കും. അതേസമയം തന്നെ അതിനിടെ അപകടങ്ങളുടെ പശ്ചാത്തലത്തില് ബോധവത്കരണ വീഡിയോയുമായി ഗതാഗത മന്ത്രിയും രംഗത്ത് വന്നു. ചിലവേറിയ പഠനങ്ങളെക്കാൾ പ്രദേശ വാസികളിൽ നിന്നും കിട്ടുന്ന പ്രായോഗികമായ നിർദ്ദേശങ്ങൾ പരിഗണിക്കുമെന്ന് മന്ത്രി വ്യക്തമാക്കി.
Discussion about this post