കേരളത്തിൽ പുതിയ ചരിത്രം കുറിച്ചുകൊണ്ട് മൂന്ന് നിയമസഭാ മണ്ഡലങ്ങളിൽ താമര വിരിയിച്ച ബിജെപിയുടെ വിജയാഘോഷവും പുതിയ ചർച്ചയാകുന്നു. മാരാർജി ഭവനിൽ നടന്ന ബിജെപിയുടെ വിജയാഘോഷത്തിൽ കാവി പതാകയിലെ മഹാത്മാ അയ്യങ്കാളിയുടെ ചിത്രം ആണ് ഇപ്പോൾ ചർച്ചയാകുന്നത്. സാധാരണ രീതിയിൽ ചത്രപതി ശിവജി, ഹനുമാൻ, ഓംകാരം എന്നിങ്ങനെയുള്ള ചിത്രങ്ങൾ ആയിരുന്നു കാവി പതാകയിൽ ആലേഖനം ചെയ്തിരുന്നത്. എന്നാൽ ഇത്തവണത്തെ വിജയാഘോഷത്തിൽ കേരളത്തിന്റെ സ്വന്തം നവോത്ഥാന നായകനും സാമൂഹ്യ പരിഷ്കർത്താവുമായ മഹാത്മ അയ്യങ്കാളിയുടെ ചിത്രമാണ് പതാകയിൽ ബിജെപി ആലേഖനം ചെയ്തിരിക്കുന്നത്. ഈ വ്യത്യസ്തമായ കാഴ്ചയാണ് ഇപ്പോൾ സമൂഹമാധ്യമങ്ങളിൽ ശ്രദ്ധ നേടുന്നത്.
