ഗോമൂത്രത്തിന്റെ ഔഷധ ഗുണം; ഐ ഐ ടി ഡയറക്ടർ പറഞ്ഞത് ശാസ്ത്രീയ തെളിവുകളുടെ പിൻബലത്തോടെ; അമേരിക്കയിൽ അടക്കം പഠനങ്ങൾ

ചെന്നൈ: ഭാരതവുമായി ബന്ധപ്പെട്ട എന്തിനെയും കണ്ണടച്ച് എതിർക്കുക വിവരവും വിദ്യാഭ്യാസവും ഉണ്ടെന്ന് പറയുന്നവരുടെ പോലും ശീലമാണ്. അതിലൂടെ തങ്ങൾ മറ്റുള്ളവരേക്കാൾ വലിയവരാണ് എന്ന ചിന്തയാണ് പലർക്കും. അതിപ്പോൾ ശാസ്ത്രീയമായി തെളിഞ്ഞതാണോ അല്ലയോ എന്നതൊന്നും അവർക്ക് വിഷയമല്ല. അത്തരത്തിലൊരു കാര്യമാണ് കഴിഞ്ഞ ദിവസം നടന്നത്.

ഗോമൂത്രത്തിന്റെ അണുനശീകരണ ശേഷിയെ കുറിച്ച് പരാമർശം നടത്തിയതാണ് ഐഐടി മദ്രാസ് ഡയറക്ടർ വി.കാമകോടി. എന്നാൽ ഈ പറഞ്ഞതിൽ എന്തെങ്കിലും സത്യമുണ്ടോ ഇല്ലയോ എന്ന് പോലും പരിശോധിക്കാതെ അന്ധമായി എതിർക്കുകയാണ് സി പി എം അടക്കമുള്ള കപട പുരോഗമന വാദികൾ.

എന്നാൽ ഈ വിഷയത്തിൽ സ്വന്തം വാദത്തിൽ ഉറച്ചു നിൽക്കുകയാണ് ഐ ഐ ടി മദ്രാസ് ഡയറക്ടർ വി കാമകോടി. അത് മാത്രമല്ല, പ്രസ്തുത വിഷയത്തിൽ ചർച്ചക്ക് തയ്യാറാണെന്നും വെല്ലുവിളിക്കുകയാണ് അദ്ദേഹം. ഇതോടു കൂടി പ്രതിരോധത്തിൽ ആയിരിക്കുകയാണ് വിമർശകർ. എന്നാൽ ഉറങ്ങുന്നവരെ ഉണർത്താം ഉറക്കം നടിക്കുന്നവരെ എന്ത് ചെയ്യും എന്ന ചോദ്യവും പ്രസക്തമാണ്.

ഗോമൂത്രത്തിന്റെ ഗുണങ്ങളെക്കുറിച്ചുള്ള അഞ്ച് ഗവേഷണ പ്രബന്ധങ്ങൾ ലോക പ്രശസ്തമായ പിയർ-റിവ്യൂഡ് ജേണലുകളിൽ പ്രസിദ്ധീകരിച്ചിട്ടുണ്ട്. രോഹിത് കുമാറും സംഘവും പ്രസിദ്ധീകരിച്ച , ഗോമൂത്രത്തിലെ പെപ്റ്റൈഡ് പ്രൊഫൈലിംഗ് ഫിസിയോളജി-ഡ്രൈവൺ പാത്ത്‌വേകളുടെ തന്മാത്രാ ഘടന വെളിപ്പെടുത്തുന്നു. ഇൻ-സിലിക്കോയുടെ ബയോആക്ടീവ് പ്രോപ്പർട്ടികൾ, നേച്ചറിൽ പ്രസിദ്ധീകരിച്ചിട്ടുണ്ട്. ഹരിയാനയിലെ കർണാലിലുള്ള ഐസിഎആർ-നാഷണൽ ഡയറി റിസർച്ച് ഇൻസ്റ്റിറ്റ്യൂട്ടാണ് ഗവേഷണം നടത്തിയത്. ഇത് 2021 ലാണ് പ്രസിദ്ധീകരിച്ചത്.

ഏഷ്യൻ ജേണൽ ഓഫ് ഫാർമസ്യൂട്ടിക്കൽ റിസർച്ചിൽ ഏപ്രിൽ-ജൂൺ 2020-ൽ പ്രസിദ്ധീകരിച്ച ഗോമൂത്രത്തെക്കുറിച്ചുള്ള ഒരു അവലോകനം (പശു മൂത്രം); ഗോമൂത്രത്തിന്റെ ഗുണങ്ങൾ – 2017-ൽ ഇന്റർനാഷണൽ ജേണൽ ഓഫ് റീസെന്റ് അഡ്വാൻസസ് ഇൻ മൾട്ടിഡിസിപ്ലിനറി റിസർച്ചിൽ പ്രസിദ്ധീകരിച്ച ഒരു അവലോകനം; 2020-ൽ ജേണൽ ഓഫ് ഡ്രഗ് ഡെലിവറി ആൻഡ് തെറാപ്യൂട്ടിക്സിൽ ഗോമൂത്രത്തിന്റെ അത്ഭുത ഗുണങ്ങൾ: ഒരു അവലോകനം എന്നിവ മറ്റ് ലേഖനങ്ങളിൽ ഉൾപ്പെടുന്നു; ഗോമൂത്രത്തിന്റെ കീമോതെറാപ്പി സാധ്യത: ജേണൽ ഓഫ് ഇന്റർകൾച്ചറൽ എത്‌നോഫാർമക്കോളജിയിൽ 2015 ഏപ്രിൽ-ജൂൺ മാസങ്ങളിൽ പ്രസിദ്ധീകരിച്ച ഒരു അവലോകനം.

ഗോമൂത്ര ഡിസ്റ്റിലേറ്റിൽ നിന്നുള്ള ബയോആക്ടീവ് അംശത്തിന്റെ ഉപയോഗത്തെക്കുറിച്ച് ഖാനുജ തുടങ്ങിയവർക്ക് 2005 മെയ് 24 ന് നൽകിയ അമേരിക്കയുടെ പേറ്റന്റിന്റെ വിശദാംശങ്ങളും അദ്ദേഹം പങ്കുവെച്ചു. കൗൺസിൽ ഓഫ് സയന്റിഫിക് ആൻഡ് ഇൻഡസ്ട്രിയൽ റിസർച്ചാണ് പേറ്റന്റ് ഫയൽ ചെയ്തത്.

“ഗവേഷകർ അവരുടെ കണ്ടെത്തലുകൾ പരീക്ഷിച്ച് അവതരിപ്പിച്ചു. അമേരിക്കൻ ഐക്യനാടുകളിലെ മികച്ച ജേണലുകളിൽ ഒന്നാണ് നേച്ചർ. ഗവേഷണ പ്രബന്ധങ്ങളിലെ ഫലം തെളിവാണ്,” അദ്ദേഹം പറഞ്ഞു.

എന്നാൽ ഇത്രമാത്രം പഠനങ്ങൾ നിലവിലുള്ളപ്പോഴും, ഭാരതീയമാണ് എന്ന ഒറ്റ കാരണം കൊണ്ടാണ് ഗോമൂത്രത്തെ കുറിച്ചുള്ള ഏത് പരാമർശവും പരിഹസിക്കപ്പെടുന്നത്.