വാഷിംഗ്ടൺ : മുൻ അമേരിക്കൻ പ്രസിഡണ്ട് ബരാക് ഒബാമയും ഭാര്യ മിഷേലും വിവാഹമോചനത്തിന് ഒരുങ്ങുന്നതായി റിപ്പോർട്ടുകൾ. ഇരുവരും തമ്മിൽ ഏറെ നാളായി അകന്നു കഴിയുകയാണെന്നാണ് റിപ്പോർട്ടുകൾ സൂചിപ്പിക്കുന്നത്. ഹോളിവുഡ് നടി ജെന്നിഫർ ആനിസ്റ്റണുമായുള്ള പ്രണയമാണ് ഒബാമയുടെ വിവാഹമോചനത്തിലേക്ക് എത്താനുള്ള കാരണം എന്നാണ് പറയപ്പെടുന്നത്.
ഒബാമ ജെന്നിഫർ ആനിസ്റ്റണുമായി ഡേറ്റിംഗിലാണെന്ന് നേരത്തെ തന്നെ സമൂഹമാധ്യമങ്ങളിൽ വ്യാപകമായ പ്രചാരണം ഉണ്ടായിരുന്നു. യുഎസിലെ പ്രമുഖ ടിവി അവതാരക മേഗൻ കെല്ലി ആണ് ഇപ്പോൾ വൈകാതെ തന്നെ ഒബാമ വിവാഹമോചിതനാകും എന്ന് അഭിപ്രായപ്പെട്ടിരിക്കുന്നത്. ഒബാമയും മിഷേലും തമ്മിൽ ഉണ്ടായിരുന്നത് ഒരു രാഷ്ട്രീയവിവാഹം മാത്രമായിരുന്നു എന്നും മേഗൻ കെല്ലി സൂചിപ്പിക്കുന്നു.
കറുത്ത വർഗക്കാരിയായ ഭാര്യ പ്രസിഡൻ്റാകണമെന്ന് ബരാക് ഒബാമ ആഗ്രഹിച്ചിരുന്നതായി സ്‌പോർട്‌സ് ജേണലിസ്റ്റ് ജേസൺ വിറ്റ്‌ലോക്ക് വ്യക്തമാക്കുന്നു. ഇക്കാരണത്താൽ ആണ് അദ്ദേഹം മിഷേലിനെ വിവാഹം കഴിച്ചത്. കഴിഞ്ഞ യുഎസ് തെരഞ്ഞെടുപ്പിൽ മിഷേലിനെ പ്രസിഡന്റ് സ്ഥാനാർത്ഥിയായി മത്സരിപ്പിക്കണമെന്ന് ഒബാമ ആവശ്യപ്പെട്ടിരുന്നു. എന്നാൽ പാർട്ടി കമല ഹാരിസിനെ മത്സരിപ്പിക്കാൻ തീരുമാനിക്കുകയായിരുന്നു. ഈ സാഹചര്യത്തിൽ ഇനി മിഷേലുമായുള്ള വിവാഹം തുടരുന്നതിൽ അർത്ഥമില്ല എന്നാണ് ഒബാമ കരുതുന്നത് എന്നും ജേസൺ വിറ്റ്‌ലോക്ക് സൂചിപ്പിച്ചു.
Discussion about this post