ലഖ്‌നൗ : അലിഗഡ് മുസ്ലിം യൂണിവേഴ്സിറ്റിയിൽ വിദ്യാർത്ഥിയെ ആത്മഹത്യ ചെയ്ത നിലയിൽ കണ്ടെത്തി. ഹോസ്റ്റൽ മുറിയിലാണ് വിദ്യാർത്ഥിയെ മരിച്ച നിലയിൽ കണ്ടെത്തിയത്. ഒന്നാം വർഷ എം.എ തിയോളജി വിദ്യാർത്ഥിയായ മുഹമ്മദ് ഷാക്കിർ ആണ് മരിച്ചത്. യൂണിവേഴ്സിറ്റി വളപ്പിലെ ‘മുംബൈ ഹോസ്റ്റലി’ലെ തന്റെ മുറിക്ക് പുറത്ത് മരിച്ച നിലയിൽ കണ്ടെത്തുകയായിരുന്നു.
ലഖിംപൂർ ഖേരി ജില്ലയിൽ നിന്നുമുള്ള വിദ്യാർത്ഥിയാണ് മുഹമ്മദ് ഷാക്കിർ. അലിഗഡ് മുസ്ലിം യൂണിവേഴ്സിറ്റിയിൽ ബിരുദാനന്തര ബിരുദത്തിനായി ദൈവശാസ്ത്രം ആയിരുന്നു ഈ വിദ്യാർത്ഥി തിരഞ്ഞെടുത്തിരുന്നത്. ഹോസ്റ്റലിലെ മുറിയ്ക്ക് പുറത്തുള്ള ഇരുമ്പ് പൈപ്പിനു മുകളിൽ തൂങ്ങിമരിച്ച നിലയിലാണ് മുഹമ്മദ് ഷാക്കിറിനെ കണ്ടെത്തിയത് എന്നാണ് അലിഗഡ് മുസ്ലിം യൂണിവേഴ്സിറ്റി പ്രോക്ടർ മുഹമ്മദ് വസീം അലി അറിയിച്ചത്.
കഴിഞ്ഞദിവസം രാത്രി 10 മണി വരെ ഷാക്കിർ തങ്ങളോടൊപ്പം ഉണ്ടായിരുന്നതായി സഹപാഠികൾ അറിയിച്ചു. സാധാരണ നിലയിലായിരുന്നു അന്നും മുഹമ്മദ് ഷാക്കിർ പെരുമാറിയിരുന്നത്. എന്നത്തേയും പോലെ സഹപാഠികളോടൊപ്പം ഭക്ഷണം കഴിച്ച ശേഷം മുറിയിലേക്ക് പോവുകയായിരുന്നു. എന്നാൽ രാവിലെ ഷാക്കിറിനെ മുറിക്ക് പുറത്ത് തൂങ്ങിമരിച്ച നിലയിൽ കണ്ടെത്തുകയായിരുന്നു. വിദ്യാർത്ഥിയുടെ കുടുംബത്തെ വിവരം അറിയിച്ചതായി അലിഗഡ് മുസ്ലിം യൂണിവേഴ്സിറ്റി അറിയിച്ചു. സംഭവത്തിൽ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Discussion about this post