സംസ്ഥാനത്ത് തുടർച്ചയായി അനുഭവപ്പെടുന്ന വൈദ്യുതി പ്രതിസന്ധിയിൽ വിശദീകരണവുമായി മുഖ്യമന്ത്രി വിഡി സതീശൻ രംഗത്ത്. വൈദ്യുതി പ്രതിസന്ധി നേരിടുന്നതിനായി സർക്കാർ നിരവധി നടപടികൾ സ്വീകരിച്ചിട്ടുണ്ടെന്നും, മുൻകാലങ്ങളിൽ ഉമ്മൻ ചാണ്ടി സർക്കാരിന്റെ കാലത്തെ വൈദ്യുതി കരാറുകൾ റദ്ദാക്കിയതാണ് ഇപ്പോഴത്തെ പ്രതിസന്ധിക്ക് കാര്യമെന്നും മുഖ്യമന്ത്രി തിരുവനന്തപുരത്ത് പറഞ്ഞു.
മുൻ വർഷങ്ങളെ അപേക്ഷിച്ച് സംസ്ഥാനത്ത് വൈദ്യുതിയുടെ ആവശ്യകത വലിയ തോതിൽ വർദ്ധിച്ചിട്ടുണ്ടെന്നും, ഈ സാഹചര്യത്തിൽ കൂടിയ വില നൽകി വൈദ്യുതി വാങ്ങേണ്ടി വരുന്നുണ്ടെന്നും അദ്ദേഹം വ്യക്തമാക്കി. എന്നാൽ പൊതുജനങ്ങളുടെ മേൽ അമിതമായ ചാർജ് അടിച്ചേൽപ്പിക്കാതെ എല്ലാ മാർഗങ്ങളിലൂടെയും ഉപഭോക്താക്കൾക്ക് വൈദ്യുതി എത്തിക്കാനാണ് സർക്കാർ ശ്രമിക്കുന്നത്. വൈദ്യുതി നിയന്ത്രണത്തെക്കുറിച്ചുള്ള മുൻകൂർ വിവരങ്ങൾ കൃത്യമായി ജനങ്ങളെ അറിയിക്കാൻ കെഎസ്ഇബിയോട് ആവശ്യപ്പെടുമെന്നും, കൂടുതൽ വൈദ്യുതി എത്തിച്ച് ഈ മാസം പതിനഞ്ചോടുകൂടി പ്രതിസന്ധിക്ക് ശാശ്വത പരിഹാരം കാണുമെന്നും മുഖ്യമന്ത്രി കൂട്ടിച്ചേർത്തു.
