7 കോടിയിലധികം രൂപ ശമ്പളം ലഭിക്കുന്നതിനായി ദിവസത്തില്‍ 14 മണിക്കൂറോളം പണിയെടുത്ത ഒരു ജീവനക്കാരന്റെ കഥ ഇപ്പോള്‍ സോഷ്യല്‍ മീഡിയയിലടക്കം വൈറലാവുകയാണ്. ബ്ലൈന്റ് എന്ന സോഷ്യല്‍ മീഡിയ പ്ലാറ്റ്‌ഫോമിലാണ് യുവാവിന്റെ കഥ വൈറലാകുന്നത്. അനോണിമസ് അക്കൗണ്ടില്‍ നിന്നാണ് പോസ്റ്റ് ഷെയര്‍ ചെയ്തിരിക്കുന്നത്. 3 വര്‍ഷമായി ഒരു ദിവസം 14 മണിക്കൂറാണ് താന്‍ ജോലി ചെയ്യുന്നതെന്നും അതിനാല്‍ കുടുംബജീവിതത്തിലെ പല നിര്‍ണായക നിമിഷങ്ങളും നഷ്ടമായെന്നും അദ്ദേഹം പോസ്റ്റിലൂടെ പങ്കുവച്ചിട്ടുണ്ട്.
അദ്ദേഹം പറയുന്നതിങ്ങനെ
മകള്‍ ജനിച്ച ദിവസം മുഴുവന്‍ ഞാന്‍ ജോലി സംബന്ധമായി മീറ്റിങ്ങുകളില്‍ പങ്കെടുക്കുകയായിരുന്നു. പിന്നീട് ഭാര്യയ്ക്ക് പോസ്റ്റ് പാര്‍ട്ടം ഡിപ്രഷന്‍ വന്നപ്പോഴും അവളുടെ കൂടെ തെറാപ്പിസ്റ്റിന്റെ അടുത്തെത്താന്‍ പോലും കഴിയാത്തത്ര തിരക്കിലായിരുന്നു. ഇപ്പോള്‍ ഭാര്യ എന്നോട് ഡിവോഴ്‌സ് ആവശ്യപ്പെടുകയാണ്.
ഇന്ന് ആ സന്തോഷം നിറഞ്ഞ വാര്‍ത്ത വന്നു. എന്റെ പ്രമോഷന്‍ അപ്രൂവ് ചെയ്തു. എന്നാല്‍ എനിക്ക് സന്തോഷമല്ല, ശൂന്യതയാണ് അനുഭവപ്പെടുന്നത്. എന്താണ് ഞാന്‍ ജീവിതത്തില്‍ ചെയ്യുന്നതെന്ന് എനിക്ക് എന്നോട് തന്നെ ചോദിക്കാിരിക്കാന്‍ കഴിയുന്നില്ല.
ഈ കാലത്ത് ഞാന്‍ നേടിയതില്‍ സന്തോഷമായിരിക്കണം. അതല്ലേ വേണ്ടത്. പക്ഷെ ഞാന്‍ എങ്ങനെ സന്തോഷിക്കും? – പോസ്റ്റില്‍ പറയുന്നു. ബ്ലിങ്കില്‍ ഷെയര്‍ ചെയ്ത പോസ്റ്റിന് ഒരുപാട് പേരാണ് ഇയാളുടെ പോസ്റ്റിന് മറുപടിയുമായി രംഗത്തെത്തിയിരിക്കുന്നത്.
Discussion about this post