വിവാഹ മോചന ചര്‍ച്ചകള്‍ക്കിടെ ഭര്‍ത്താവിനെ കഴുത്തിനു കുത്തിപ്പിടിച്ച്, തല്ലി ഭാര്യ. മുന്‍ ലോകചാംപ്യനനും ഇന്ത്യന്‍ ബോക്‌സിങ് താരവുമായ സവീതി ബൂറയാണ് ഭർത്താവിനെ ആക്രമിച്ചത്.സവീതിയും ഭര്‍ത്താവ് ദീപക് നിവാസ് ഹൂഡയും തമ്മിലുള്ള വിവാഹ മോചന കേസ്നടക്കുന്നതിനിടെയാണ് ഭര്‍ത്താവിനെ തല്ലിയത്.
കഴിഞ്ഞ ദിവസം ഹരിയാനയിലെ ഹിസാറിലുള്ള പോലീസ് സ്റ്റേഷനില്‍വച്ചായിരുന്നു സംഭവം. ഭര്‍ത്താവിന്റെ കുടുംബം സ്ത്രീധനം ആവശ്യപ്പെട്ട് പീഡിപ്പിക്കുന്നതായി സവീതി പോലീസില്‍ പരാതിനല്‍കിയിരുന്നു.ഭർത്താവിന്റെ കുടുംബം ഒരു കോടി രൂപ സ്ത്രീധനം ആവശ്യപ്പെട്ടതായി പരാതിയില്‍പറയുന്നു.
സ്റ്റേഷനില്‍വച്ച് ഇരു വിഭാഗവും ചര്‍ച്ച നടത്തുന്നതിനിടെയായിരുന്നു ഭര്‍ത്താവിനെ ആക്രമിച്ചത്.ഭര്‍ത്താവിന്റെ കഴുത്തില്‍ സവീതി പിടിക്കുന്നതിന്റെ ദൃശ്യങ്ങള്‍ വൈറലാണ്.
ദീപക് ഹൂഡ സ്വവര്‍ഗാനുരാഗിയാണെന്ന ആരോപണവും സവീതി ഉന്നയിച്ചിട്ടുണ്ട്. ”ഈകാര്യങ്ങളൊന്നും സംസാരിക്കാന്‍ ഞാന്‍ ആഗ്രഹിക്കുന്നില്ല. ദീപക്കിനു പുരുഷന്‍മാരോടാണ് താല്പര്യം . പല വിഡിയോകളും ഞാന്‍ കണ്ടിട്ടുണ്ട്. ഞാന്‍ ഞെട്ടിപ്പോയി. എല്ലാ തെളിവുകളിലുംനല്‍കി കോടതിയില്‍ ഇക്കാര്യങ്ങള്‍ തെളിയിക്കും. കുടുംബത്തോടുപോലും അനുഭവിച്ച കാര്യങ്ങള്‍പറയാന്‍ താല്പര്യംഇല്ലെന്ന് താരം പറഞ്ഞു.
സവീതിയുടെ ഭര്‍ത്താവ് ദീപക് നിവാസ് ഹൂഡ ഇന്ത്യന്‍ കബഡി താരമാണ്. ഏഷ്യന്‍ ഗെയിംസില്‍വെങ്കലം നേടിയ ഇന്ത്യന്‍ ടീമില്‍ അംഗമായിരുന്നു. 2022 ലായിരുന്നു അര്‍ജുന പുരസ്‌കാരജേതാവായ ദീപക്കും സവീതിയും വിവാഹിതരാകുന്നത്.
Discussion about this post