ഡല്ഹി: മീറ്റിംഗുകള്ക്ക് ഹാജാരാകാതിരുന്ന 12 പ്രമുഖര് ഉള്പ്പെടുന്ന എംപിമാരെ ബിജെപി പാര്ലമെന്ററി കമ്മറ്റിയില് നിന്ന് ഒഴിവാക്കി. കമ്മറ്റി മീറ്റിംഗുകള്ക്കു മറ്റും കൃത്യമായി ഹാജാരാകത്തതിനെ തുടര്ന്നാണ് നടപടി. കഴിഞ്ഞ വിന്റര്-മണ്സൂണ് സെഷനുകളില് കൃത്യമായി ഹാജരാവാത്തവര്ക്ക് എതിരെയാണ് നടപടി.
ചിലര്ക്ക് ഒന്നിനും സമയമില്ല. ഉത്തരവാദപ്പെട്ട യോഗങ്ങളില് പങ്കെടുക്കാന് സമയമില്ലാത്തവര്ക്ക് പകരം പുതിയ അംഗങ്ങളെ ഉള്പ്പെടുത്താന് തീരുമാനിച്ചുവെന്ന് പാര്ലമെന്ററി കാര്യമന്ത്രി വെങ്കയ്യ നായിഡു അറിയിച്ചു. വരുണ് ഗാന്ധി, വിനോദ് ഖന്നസ കീപ്ഡത്തി ആസാദ് തുടങ്ങിയവരും കമ്മറ്റിയില് നിന്ന് പുറത്താക്കിയവരില് ഉള്പ്പെടും.
ഒരു കാരണവശാലും പാര്ലമെന്ററി പാര്ട്ടി മീറ്റിംഗുകളില് നിന്ന് വിട്ടു നില്ക്കരുതെന്ന് എംപിമാര്ക്ക് പ്രധാനമന്ത്രി നരേന്ദ്രമോദി നിര്ദ്ദേശം നല്കിയിരുന്നു. ജനപ്രതിനിധികള് എന്ന നിലയില് പാര്ലമെന്റ് നടപടികളില് കൃത്യമായി പങ്കെടുക്കണമെന്നും, ചര്ച്ചകളിലും വാദപ്രതിവാദങ്ങളിലും സാന്നിധ്യം അറിയിക്കണമെന്നും മോദി കര്ശന നിര്ദ്ദേശം നല്കിയിരുന്നു.എന്നാല് ചില എംപിമാര് ഇത് പാലിച്ചില്ല.
എന്തൊക്കെ വിശദീകരണം നല്കിയാലും അച്ചടക്കത്തിന്റെ കാര്യത്തില് ഒരു വിട്ടുവീഴ്ചയും വേണ്ടെന്ന നിലപാടിലാണ് ബിജെപിയും പ്രധാനമന്ത്രിയും.
Discussion about this post