ഡല്ഹി: സര്ക്കാര് പരസ്യങ്ങളില് മുഖ്യമന്ത്രിമാരുടേയും ഗവര്ണറുടേയും വകുപ്പ് മന്ത്രിമാരുടേയും ചിത്രങ്ങള് ഉള്പ്പെടുത്താമെന്ന് സുപ്രീംകോടതി. 2015 ലെ ഉത്തരവില് കോടതി മാറ്റം വരുത്തി. സര്ക്കാര്വക പരസ്യങ്ങളിലൂടെ മന്ത്രിമാരും ഭരണകക്ഷികളുടെ നേതാക്കളും മുഖം കാണിക്കുന്നതിനായിരുന്നു സുപ്രീംകോടതി നേരത്തെ വിലക്കേര്പ്പെടുത്തിയിരുന്നത്.പ്രധാനമന്ത്രി, രാഷ്ട്രപതി, ചീഫ് ജസ്റ്റിസ് തുടങ്ങിയവരുടെ ചിത്രങ്ങള് മാത്രമേ പരസ്യങ്ങളില് ഉള്പ്പെടുത്താവൂ എന്നതായിരുന്നു നേരത്തെയുള്ള ഉത്തരവ്. ഇത് പുനഃപരിശോധിക്കണമെന്ന് ചൂണ്ടിക്കാട്ടി കേന്ദ്രസര്ക്കാരും സംസ്ഥാന സര്ക്കാരുകളും കോടതിയെ സമീപിച്ചിരുന്നു.
പരസ്യങ്ങളില് ആരുടെ ചിത്രം നല്കണമെന്നും എന്താണ് നല്കേണ്ടതെന്നും തീരുമാനിക്കുന്നത് സര്ക്കാരുകളാണെന്ന് കേന്ദ്രം നല്കിയ അപേക്ഷയില് പറഞ്ഞിരുന്നു. മുഖ്യമന്ത്രിമാരുടെ ചിത്രം പരസ്യത്തില്നിന്ന് ഒഴിവാക്കുന്നത് ശരിയല്ലെന്നും കേന്ദ്രം പറഞ്ഞു. രാഷ്ട്രപതി, പ്രധാനമന്ത്രി, ചീഫ് ജസ്റ്റിസ് എന്നിവരുടെ ചിത്രങ്ങള്ക്കു വിലക്കേര്പ്പെടുത്തിയിരുന്നില്ല.
Discussion about this post