തൃശ്ശൂർ : തൃശ്ശൂരിലെ ജനങ്ങളുമായി സുരേഷ് ഗോപി നേരിട്ട് സംവദിക്കുന്ന ‘കലുങ്ക് സൗഹൃദം വികസന സംവാദം’ പരിപാടി വൻ വിജയമാകുകയും വലിയ തോതിൽ സംസ്ഥാനത്താകെ ജനശ്രദ്ധ നേടുകയും ചെയ്തിരിക്കുകയാണ്. ഇതിന് പിന്നാലെ ഈ പരിപാടിക്ക് ഇടയിൽ നടന്ന ഒരു സംഭവം വിവാദമാക്കാൻ ശ്രമിക്കുകയാണ് ചില രാഷ്ട്രീയ കക്ഷികൾ. ഭവന നിർമ്മാണവുമായി ബന്ധപ്പെട്ട ഒരു അപേക്ഷയുമായുമായി വന്ന വൃദ്ധനെ സുരേഷ് ഗോപി അപേക്ഷ വാങ്ങാതെ മടക്കി അയക്കുന്നതാണ് ചില ആളുകൾ വിവാദമാക്കിയത്. ഇപ്പോൾ ഈ സംഭവത്തിൽ കൃത്യമായ വിശദീകരണവുമായി രംഗത്തെത്തിയരിക്കുകയാണ് സുരേഷ് ഗോപി.
പാലിക്കാനാകാത്ത വാഗ്ദാനങ്ങൾ താൻ നൽകാറില്ലെന്നും ജനങ്ങൾക്ക് വ്യാജ പ്രതീക്ഷകൾ നൽകുന്നത് തന്റെ ശൈലി അല്ല എന്നും സുരേഷ് ഗോപി വ്യക്തമാക്കി. ഭവന നിർമ്മാണം എന്നുള്ളത് ഒരു സംസ്ഥാന വിഷയമാണ്. അത് സംസ്ഥാന സർക്കാരിന് മാത്രം ചെയ്യാൻ കഴിയുന്ന കാര്യമാണ്. ഈ സംഭവത്തിന്റെ പിന്നാലെ മറ്റൊരു പാർട്ടി അദ്ദേഹത്തിന് വീട് വെച്ച് നൽകാൻ തയ്യാറായി രംഗത്ത് എത്തിയിരിക്കുന്നതിൽ സന്തോഷമുണ്ട്. രാഷ്ട്രീയ ഉനം ഉള്ളതാണെങ്കിലും താൻ കാരണം അദ്ദേഹത്തിന് വീട് ലഭ്യമായതിൽ സന്തോഷം എന്നും സുരേഷ് ഗോപി വ്യക്തമാക്കി.
സുരേഷ് ഗോപി പങ്കുവെച്ച ഫേസ്ബുക്ക് പോസ്റ്റ്,
ഒരു വ്യക്തീകരണം,
അടുത്തിടെ ഭവനസഹായവുമായി ബന്ധപ്പെട്ട് എന്റെ അടുത്ത് വന്ന ഒരു അപേക്ഷ നിരസിക്കപ്പെട്ട വിഷയത്തിൽ നിരവധി വാർത്തകളും വ്യാഖ്യാനങ്ങളും പുറത്തുവന്നിട്ടുണ്ട്. അതിനെ ചിലർ സ്വന്തം രാഷ്ട്രീയ അജണ്ടകൾക്കായി ഉപയോഗിക്കുന്നുവെന്ന് കാണുന്നു.
👉 ഒരു പൊതുപ്രവർത്തകനായി, എനിക്ക് എന്ത് ചെയ്യാൻ കഴിയും, എന്ത് ചെയ്യാൻ കഴിയില്ല എന്നതിനെക്കുറിച്ച് എപ്പോഴും വ്യക്തമായ ധാരണയുണ്ട്.
👉 പാലിക്കാനാകാത്ത വാഗ്ദാനങ്ങൾ ഞാൻ നൽകാറില്ല. ജനങ്ങൾക്ക് വ്യാജ പ്രതീക്ഷകൾ നൽകുന്നത് എന്റെ ശൈലി അല്ല.
👉 ഭവനനിർമ്മാണം ഒരു സംസ്ഥാന വിഷയമാണ്. അതിനാൽ അത്തരം അഭ്യർത്ഥനകൾ ഒരാള്ക്ക് മാത്രം അനുവദിക്കാനോ തീരുമാനിക്കാനോ കഴിയില്ല. അതിന് സംസ്ഥാന സർക്കാർ തന്നെ വിചാരിക്കണം.
👉 എന്റെ ശ്രമങ്ങൾ എല്ലായ്പ്പോഴും സിസ്റ്റത്തിനുള്ളിൽ പ്രവർത്തിച്ച്, ജനങ്ങൾക്ക് യഥാർത്ഥ നേട്ടങ്ങൾ എത്തിക്കാനാണ് കേന്ദ്രീകരിച്ചിരിക്കുന്നത്.
👉 അതേ സമയം, ഈ സംഭവത്തിലൂടെ മറ്റൊരു പാർട്ടി ആ കുടുംബത്തെ സമീപിച്ച് സുരക്ഷിതമായ ഭവനം ഉറപ്പാക്കാൻ മുന്നോട്ട് വന്നത് എന്ന കാര്യം കാണുന്നത് എനിക്ക് സന്തോഷമാണ്. രാഷ്ട്രീയ ഉന്നം ഉള്ളതാണെങ്കിലും ഞാന് കാരണം അവര്ക്ക് ഒരു വീട് എന്നത് ലഭ്യമായല്ലോ… കഴിഞ്ഞ 2 കൊല്ലങ്ങളായി ഇത് കണ്ട് കൊണ്ടിരുന്നു ആളുകള് ഞാന് കാരണം എങ്കിലും ഇപ്പൊൾ വീട് വെച്ച് നൽകാൻ ഇറങ്ങിയല്ലോ…
ജനങ്ങളുടെ പോരാട്ടങ്ങളിൽ രാഷ്ട്രീയ കളികൾക്കല്ല, യഥാർത്ഥ പരിഹാരങ്ങൾക്കാണ് സ്ഥാനം എന്നാണ് എന്റെ വിശ്വാസം.
Discussion about this post