ഗുരുവായൂരിൽ നടന്ന കലുങ്ക് സൗഹൃദ സംഗമത്തില്‍ വെച്ച് സ്വന്തമായി ഒരു വീട് എന്ന വലിയ സ്വപ്നം സുരേഷ് ഗോപിക്ക് മുൻപിൽ അറിയിച്ച സത്യഭാമ അമ്മക്ക് പുതിയ വീട് ഒരുങ്ങുന്നു. ഇന്ന് സത്യഭാമ അമ്മയുടെ പുതിയ വീടിന്റെ കട്ടിളവെപ്പ് പൂർത്തിയായി. സുരേഷ് ഗോപിയുടെ മകളുടെ പേരിലുള്ള ട്രസ്റ്റിൽ നിന്നുമാണ് ആവശ്യമായ ധനസഹായം നൽകിയത്. സേവാഭാരതിയുടെ ആഭിമുഖ്യത്തിലാണ് വീടിന്റെ നിർമ്മാണ ചുമതലകൾ നടക്കുന്നത്. സത്യഭാമ അമ്മയുടെ വീട് എന്ന സ്വപ്നം പതിയെ ചിറക് വിരിച്ച് പറക്കാൻ ആരംഭിച്ചതിൽ വലിയ സന്തോഷമെന്ന് സുരേഷ് ഗോപി സമൂഹമാധ്യമങ്ങളിലൂടെ അറിയിച്ചു.
സുരേഷ് ഗോപി സമൂഹമാധ്യമങ്ങളിൽ പങ്കുവെച്ച പോസ്റ്റ് ;
ഗുരുവായൂരിൽ നടന്ന കലുങ്ക് സൗഹൃദ സംഗമത്തില്‍ വെച്ച്, തൻ്റെ ജീവിതം മുഴുവൻ പ്രതീക്ഷകള്‍ നിറച്ച് കഴിയുന്ന സത്യഭാമ അമ്മയുടെ വീട് എന്ന സ്വപ്നത്തെ കുറിച്ച് കേട്ടിരുന്നു.
ഇന്ന് ആ സ്വപ്നം പതുക്കെ ചിറക് വിരിച്ച് പറക്കാന്‍ ആരംഭിച്ചിരിക്കുന്നു.സത്യഭാമ അമ്മയുടെ പുതിയ വീടിന്റെ കട്ടിളവെപ്പ് പൂർത്തിയായി.🙏
എൻ്റെ മകളുടെ പേരിലുള്ള ട്രസ്റ്റിലൂടെ അതിനാവശ്യമായ സഹായം നല്കി, പ്രവർത്തനച്ചുമതല സേവാഭാരതിയ്ക്ക് ഏൽപ്പിച്ചിരുന്നു. അവരുടെ അർപ്പണബോധത്താൽ ഇന്ന് ആ വീടിന്റെ അടിസ്ഥാനം ഉറപ്പായി.
ദേശീയ സേവാഭാരതിയുടെ ആഭിമുഖ്യത്തിൽ നടന്ന ചടങ്ങിൽ BJP തൃശ്ശൂര്‍ നോർത്ത് ജില്ലാ പ്രസിഡണ്ട്
അഡ്വ. നിവേദിത സുബ്രഹ്മണ്യൻ,
സേവാഭാരതി പ്രവർത്തകർ,
ഗുരുവായൂർ നഗരസഭ കൗൺസിലർമാർ,
നാട്ടുകാർ തുടങ്ങിയവർ പങ്കെടുത്തു എന്ന് അറിഞ്ഞതില്‍ സന്തോഷം.
Discussion about this post