ബംഗലൂരു: ഇന്ത്യ വിജയിച്ചതില്‍ നിങ്ങള്‍ക്ക് സന്തോഷമുണ്ടാകില്ലെന്ന് മാധ്യമ പ്രവര്‍ത്തകനോട് ഇന്ത്യന്‍ നായകന്‍ മഹേന്ദ്രസിംഗ് ധോണി. ഇന്നലെ മത്സരത്തിന് ശേഷമുള്ള മാധ്യമസമ്മേളനത്തിലാണ് ധോണി, മാധ്യമപ്രവര്‍ത്തകരുടെ സമീപനത്തെ ശക്തമായ ഭാഷയില്‍ വിമര്‍ശിച്ചത്. പ്രമുഖ മാധ്യമത്തിന്റെ പ്രതിനിധിയുടെ നിലപാടുകള്‍ക്കെതിരെയായിരുന്നു ധോണിയുടെ പ്രതികരണം.
ഇന്ത്യയ്ക്ക് സെമിയിലെത്താന്‍ വലിയ മാര്‍ജിനിലുള്ള ജയം ആവശ്യമായിരുന്നപ്പോള്‍, ഈ ചെറിയ ജയം എങ്ങനെ ധോണിയെ സന്തുഷ്ടനാക്കുന്നുവെന്ന ചോദ്യമാണ് മാധ്യമപ്രവര്‍ത്തകന്‍ ഉയര്‍ത്തിയത്. ഇന്ത്യ ജയിച്ചതില്‍ നിങ്ങള്‍ക്ക് സന്തോഷമുണ്ടാകില്ലെന്ന് എനിക്കറിയാമെന്നായിരുന്നു ധോണിയുടെ മറുപടി. ചോദ്യത്തിന്റെ രീതിയില്‍ നിന്ന് അത് മനസിലാകുന്നുണ്ടെന്നും ധോണി പറഞ്ഞു. തിരക്കഥകളെക്കുറിച്ചല്ല, ക്രിക്കറ്റിനെക്കുറിച്ചാണ് താന്‍ സംസാരിക്കുന്നതെന്നും ധോണി ഓര്‍മ്മിപ്പിച്ചു. ടോസ് നഷ്ടപ്പെട്ട തങ്ങള്‍ക്ക് ആ വിക്കറ്റില്‍ കൂടുതല്‍ റണ്‍സ് അടിച്ചുകൂട്ടാനാകാഞ്ഞത് എന്തുകൊണ്ടാണെന്ന് വിലയിരുത്തണമെന്നും ധോണി പറഞ്ഞു. പുറത്തിരുന്ന് അത് പരിശോധിക്കാനാകാത്തവര്‍ ചോദ്യം ചോദിക്കരുതെന്നും ധോണി പറഞ്ഞു.
ധോണിയുടെ മറുപടി സോഷ്യല്‍ മീഡിയകളില്‍ വൈറലായിരിക്കുകയാണ്.
https://twitter.com/surddre/status/712718485026000897
Discussion about this post