തൃശൂർ ; കൂനൂരിലെ ഹെലികോപ്റ്റർ അപകടത്തിൽ മരിച്ച വ്യോമസേന ജൂനിയർ വാറന്റ് ഓഫിസർ എ.പ്രദീപിന്റെ ഭൗതികശരീരം സംസ്കരിച്ചു. തൃശൂർ പൊന്നൂക്കരയിലെ വീട്ടുവളപ്പിൽ ഔദ്യോഗിക ബഹുമതികളോടെയായിരുന്നു സംസ്കാരം. പ്രദീപ് പഠിച്ച പുത്തൂർ ഗവൺമെന്റ് സ്കൂളിലും വീട്ടിലും പൊതുദർശനത്തിനുവച്ച ശേഷമായിരുന്നു സംസ്കാരം. മകന് ചിതയ്ക്ക് തീകൊളുത്തി.
ശനിയാഴ്ച ഉച്ചയോടെ റോഡുമാര്ഗം കോയമ്പത്തൂരില്നിന്ന് വാളയാറിലെത്തിച്ച മൃതദേഹം മന്ത്രിമാരായ കെ. രാധാകൃഷ്ണന്, കെ. രാജന്, കെ കൃഷ്ണന്കുട്ടി എന്നിവര് ചേര്ന്നാണ് ഏറ്റുവാങ്ങിയത്.കേന്ദ്രമന്ത്രി വി മുരളീധരന്, മന്ത്രിമാരായ കെ രാധാകൃഷ്ണന്, കെ കൃഷ്ണന്കുട്ടി, കെ രാജന് തുടങ്ങിയവര് മൃതദേഹത്തില് പുഷ്പചക്രം അര്പ്പിച്ചു. സ്കൂളിലെ പൊതുദര്ശനത്തിനു ശേഷം മൃതദേഹം പ്രദീപിന്റെ വീട്ടിലേക്ക് എത്തിച്ചു. ആയിരക്കണക്കിന് ആളുകളാണ് പ്രദീപിന് അന്തിമോപചാരം അര്പ്പിക്കാന് രണ്ടിടത്തും എത്തിയത്.
തൃശൂര് പുത്തൂര് സ്വദേശിയായ പ്രദീപ് അറക്കല് 2004ലാണ് സൈന്യത്തില് ചേര്ന്നത്. പിന്നീട് എയര് ക്രൂ ആയി തെരഞ്ഞെടുത്തു. രാജ്യത്തിന്റെ മിക്കയിടത്തും ജോലി ചെയ്തിട്ടുണ്ട്. ഛത്തീസ്ഗഢിലെ മാവോയിസ്റ്റുകള്ക്കെതിരെയുള്ള ഓപ്പറേഷനിലും സന്ദീപ് പങ്കെടുത്തു. സംയുക്ത സൈനിക മേധാവി ബിപിന് റാവത്ത് ഉള്പ്പെടെ 13 പേര് കൊല്ലപ്പെട്ട ഹെലികോപ്ടര് ദുരന്തത്തിലാണ് പ്രദീപും വിടപറഞ്ഞത്. ഹെലികോപ്ടറിന്റെ ഫ്ളൈറ്റ് ഗണ്ണര് ആയിരുന്നു പ്രദീപ്.
Discussion about this post