തിരുവനന്തപുരത്ത് അധികം വൈകാതെ തന്നെ എത്തുമെന്ന് അറിയിച്ച് പ്രധാനമന്ത്രി നരേന്ദ്രമോദി.ബിജെപി സംസ്ഥാന അദ്ധ്യക്ഷൻ രാജീവ് ചന്ദ്രശേഖറെ പ്രധാനമന്ത്രി നേരിട്ട് വിളിച്ച് അഭിനന്ദനമറിയിക്കുകയും ചെയ്തു. തിരുവനന്തപുരത്തെ വിജയം വലിയ നേട്ടമെന്ന് മോദി. 1987ൽ അഹമ്മദാബാദ് പിടിച്ച് ബിജെപി ഗുജറാത്തിൽ പിന്നീട് ഭരണം നേടിയത് പ്രധാനമന്ത്രി ചൂണ്ടിക്കാട്ടി.
തദ്ദേശതിരഞ്ഞെടുപ്പിൽ എൻഡിഎ മികച്ച പ്രകടനം കാഴ്ചവച്ചതിന് പിന്നാലെ പ്രധാനമന്ത്രി അഭിനന്ദനക്കുറിപ്പ് പങ്കുവച്ചിരുന്നു. തിരുവനന്തപുരത്തിന് നന്ദിയെന്ന് എക്സിൽ പങ്കുവെച്ച പോസ്റ്റിൽ നരേന്ദ്രമോദി കുറിച്ചു. തിരുവനന്തപുരം കോർപ്പറേഷനിൽ ബിജെപി-എൻഡിഎ സംഖ്യം നേടിയ വിജയം കേരളരാഷ്ട്രീയത്തിലെ വഴിത്തിരിവാണെന്നും അദ്ദേഹം പറഞ്ഞു.യുഡിഎഫിനെയും എൽഡിഎഫിനെയും കേരളം മടുത്തെന്നും അദ്ദേഹം വിമർശിച്ചു. ഇന്നത്തെ ഫലം യാഥാർഥ്യമാക്കാൻ വർഷങ്ങളായി അടിത്തട്ടിൽ പ്രവർത്തിച്ച കേരളത്തിലെ പ്രവർത്തകരുടെ ദിവസമാണിന്നെന്ന് നരേന്ദ്രമോദി കൂട്ടിച്ചേർത്തു.
നരേന്ദ്രമോദിയുടെ കുറിപ്പിൻ്റെ പൂർണരൂം
ന്ദി തിരുവനന്തപുരം! തിരുവനന്തപുരം കോർപ്പറേഷനിൽ എൻഡിഎയ്ക്ക് ലഭിച്ച ജനവിധി കേരള രാഷ്ട്രീയത്തിലെ ഒരു നിർണായക നിമിഷമാണ്. സംസ്ഥാനത്തിൻറെ വികസന അഭിലാഷങ്ങൾ നമ്മുടെ പാർട്ടിക്ക് മാത്രമേ നിറവേറ്റാൻ കഴിയൂ എന്ന് ജനങ്ങൾക്ക് ഉറപ്പുണ്ട്. നമ്മുടെ പാർട്ടി അതിനുവേണ്ടി പ്രവർത്തിക്കും’. ‘തദ്ദേശ സ്വയംഭരണ സ്ഥാപനങ്ങളിലേക്കുള്ള തിരഞ്ഞെടുപ്പിൽ ബിജെപി, എൻഡിഎ സ്ഥാനാർത്ഥികൾക്ക് വോട്ട് ചെയ്ത കേരളത്തിലുടനീളമുള്ള ജനങ്ങൾക്ക് എൻറെ നന്ദി. കേരളം യുഡിഎഫിനെയും എൽഡിഎഫിനെയും മടുത്തു. എല്ലാവർക്കും അവസരങ്ങളുള്ള ഒരു വികാസിത കേരളം കെട്ടിപ്പടുക്കുന്നതിനും നല്ല ഭരണം നൽകുന്നതിനും എൻഡിഎയെ മാത്രമേ അവർ കാണുന്നുള്ളൂ’
‘തിരുവനന്തപുരം കോർപ്പറേഷനിൽ മികച്ച വിജയം നേടാൻ ജനങ്ങൾക്കിടയിൽ പ്രവർത്തിച്ച കഠിനാധ്വാനികളായ എല്ലാ ബിജെപി പ്രവർത്തകർക്കും നന്ദി. ഇന്നത്തെ ഫലം യാഥാർഥ്യമാക്കാൻ വർഷങ്ങളായി അടിത്തട്ടിൽ പ്രവർത്തിച്ച കേരളത്തിലെ പ്രവർത്തകരുടെ ദിവസമാണിന്ന്. പാർട്ടി ചുമതലവഹിക്കുന്നവരും പ്രവർത്തരുമാണ് നമ്മുടെ ശക്തി, അവരിൽ അഭിമാനിക്കുന്നു!
