ഭാരതീയ സംസ്കാരത്തിൻ്റെയും സനാതന ധർമ്മത്തിൻ്റെയും മകുടോദാഹരണമായ തിരുപ്പതി തിരുമല ക്ഷേത്രം ലോകത്തിലെ തന്നെ ഏറ്റവും സമ്പന്നവും ഭക്തിനിർഭരവുമായ പുണ്യസങ്കേതമാണ്. എന്നാൽ, കോടിക്കണക്കിന് ഭക്തർ ഒഴുകിയെത്തുന്ന ഈ ക്ഷേത്രത്തിലെ ചില നിഗൂഢ സത്യങ്ങൾ ശാസ്ത്രത്തിന് പോലും ഇന്നും വിശദീകരിക്കാൻ സാധിച്ചിട്ടില്ല. കല്ലിൽ കൊത്തിയ വിഗ്രഹം എന്നതിലുപരി സാക്ഷാൽ ശ്രീനിവാസൻ ജീവസ്സുറ്റ രൂപത്തിൽ അവിടെ കുടികൊള്ളുന്നു എന്നതിൻ്റെ തെളിവുകളാണ് ഓരോ ദിവസവും പുറത്തുവരുന്നത്.
തിരുപ്പതി ഭഗവാൻ്റെ വിഗ്രഹം ഗർഭഗൃഹത്തിൻ്റെ നടുവിലാണെന്ന് തോന്നുമെങ്കിലും യഥാർത്ഥത്തിൽ അത് വലതുവശത്തെ കോണിലാണ് പ്രതിഷ്ഠിച്ചിരിക്കുന്നത്. വിഗ്രഹത്തിൻ്റെ മറ്റൊരു അത്ഭുതം ഭഗവാൻ്റെ തിരുമുടി (Real Hair) ആണ്. പട്ടുപോലെ മൃദുവായ ഈ മുടി ഒരിക്കലും കെട്ടുപിണയുകയില്ലെന്നും ഇത് പൂർണ്ണമായും സ്വാഭാവികമാണെന്നും പറയപ്പെടുന്നു. നീളാദേവി എന്ന ഗന്ധർവ്വ രാജകുമാരി തൻ്റെ മുടി ഭഗവാന് സമർപ്പിച്ചു എന്ന ഐതിഹ്യമാണ് ഇതിന് പിന്നിൽ. ഭഗവാൻ്റെ വിഗ്രഹത്തിന് പുറകിൽ ചെവി വച്ചു കേട്ടാൽ സമുദ്ര തിരമാലകളുടെ ഇരമ്പൽ കേൾക്കാം എന്നത് ഭക്തരെ അത്ഭുതപ്പെടുത്തുന്ന മറ്റൊരു സത്യമാണ്. വിഗ്രഹം സ്ഥിതി ചെയ്യുന്ന സ്ഥലത്തിൻ്റെ താപനില വളരെ കുറവാണെങ്കിലും ഭഗവാൻ്റെ വിഗ്രഹത്തിൽ എപ്പോഴും 110 ഡിഗ്രി ഫാരൻഹീറ്റ് ചൂട് അനുഭവപ്പെടാറുണ്ട്. അഭിഷേകത്തിന് ശേഷം ഭഗവാൻ്റെ തിരുമേനിയിൽ വിയർപ്പ് തുള്ളികൾ പ്രത്യക്ഷപ്പെടാറുണ്ടെന്നും പുരോഹിതർ സാക്ഷ്യപ്പെടുത്തുന്നു.
ഭഗവാന് ചാർത്തുന്ന പൂക്കളും പാലും നെയ്യും ഉൾപ്പെടെയുള്ള സർവ്വ സാധനങ്ങളും എത്തിക്കുന്നത് തിരുപ്പതിയിൽ നിന്നും 22 കിലോമീറ്റർ അകലെയുള്ള ഒരു രഹസ്യ ഗ്രാമത്തിൽ നിന്നാണ്. ഈ ഗ്രാമത്തിലേക്ക് പുറത്തുനിന്നുള്ളവർക്ക് പ്രവേശനമില്ല. അവിടെയുള്ളവർക്ക് മാത്രമേ ആ ഗ്രാമം കാണാൻ സാധിക്കൂ. അതുപോലെ, കല്ലുകളിൽ വിള്ളലുണ്ടാക്കുന്ന പച്ചക്കർപ്പൂരം വിഗ്രഹത്തിൽ എപ്പോഴും തേക്കാറുണ്ടെങ്കിലും ഭഗവാൻ്റെ വിഗ്രഹത്തിന് യാതൊരു കേടുപാടുകളും സംഭവിക്കുന്നില്ല. ഗർഭഗൃഹത്തിലെ കെടാവിളക്കുകൾ എന്ന് തെളിയിച്ചതാണെന്ന് ആർക്കും അറിയില്ല. രാത്രികാലങ്ങളിൽ ഈ ക്ഷേത്രത്തിൽ വിസ്മയിപ്പിക്കുന്ന പല കാര്യങ്ങളും നടക്കാറുണ്ടെന്നും പറയപ്പെടുന്നു.
തിരുപ്പതി തിരുമല ക്ഷേത്രത്തിൽ രാത്രികാലങ്ങളിൽ ഭക്തർക്കും പൂജാരിമാർക്കും പ്രവേശനം അനുവദിക്കാറില്ല. സൂര്യനസ്തമിച്ചു കഴിഞ്ഞാൽ തിരുപ്പതി കുന്നുകൾ മറ്റൊരു ലോകമായി മാറുകയാണ്. രാത്രികാലങ്ങളിൽ ഭക്തരും പൂജാരിമാരും ക്ഷേത്ര പരിസരത്ത് നിന്ന് മാറിനിൽക്കണമെന്നത് നൂറ്റാണ്ടുകളായുള്ള കർശനമായ നിയമമാണ്. ഇതിന് പിന്നിലെ പ്രധാന കാരണം ‘ദേവപൂജ’ (Deva Puja) ആണെന്നാണ് വിശ്വാസം. രാത്രിയിൽ ക്ഷേത്രനട അടച്ചു കഴിഞ്ഞാൽ സാക്ഷാൽ ബ്രഹ്മാവിൻ്റെ നേതൃത്വത്തിൽ ദേവന്മാർ ഭഗവാൻ വെങ്കടേശ്വരനെ ആരാധിക്കാൻ എത്തുന്നു എന്നാണ് സനാതന ധർമ്മം വിശ്വസിക്കുന്നത്.
രാത്രിയിലെ അവസാന ചടങ്ങായ ‘ഏകാന്ത സേവ’യ്ക്ക് ശേഷം ക്ഷേത്രത്തിൻ്റെ താക്കോൽ ‘ക്ഷേത്രപാലക ശില’യിൽ വയ്ക്കുന്നതായിരുന്നു പഴയകാലത്തെ രീതി. രാത്രിയിൽ ഭഗവാൻ്റെ കാവൽക്കാരനായ ക്ഷേത്രപാലകൻ ഈ താക്കോലുകൾ സംരക്ഷിക്കുമെന്നും അടുത്ത ദിവസം രാവിലെ പൂജാരിമാർ ഭക്തിപൂർവ്വം ഇത് തിരികെ വാങ്ങുമെന്നുമാണ് ഐതിഹ്യം. രാത്രി 12:45-ഓടെ നട അടച്ചു കഴിഞ്ഞാൽ പുലർച്ചെ 2:30 വരെ ഭഗവാൻ്റെ വിശ്രമവേളയാണ്. ഈ സമയത്ത് ആത്മീയ ഊർജ്ജത്തിൻ്റെ വലിയൊരു പ്രവാഹം തന്നെ ഗർഭഗൃഹത്തിൽ ഉണ്ടാകുമെന്നും അത് ഉൾക്കൊള്ളാൻ സാധാരണ മനുഷ്യർക്ക് സാധിക്കില്ലെന്നും ശാസ്ത്രീയമായി വിലയിരുത്തപ്പെടുന്നു.
തിരുമലയിലേക്കുള്ള ചുരം പാതകൾ (Ghat Roads) രാത്രി 12 മണി മുതൽ പുലർച്ചെ 3 മണി വരെ അടച്ചിടാറുണ്ട്. ഭഗവാൻ്റെ സ്വകാര്യതയ്ക്കും ദേവലോകത്തു നിന്നുള്ള അതിഥികളുടെ ആരാധനയ്ക്കും തടസ്സമുണ്ടാകാതിരിക്കാനാണ് ഈ ആചാരങ്ങൾ ഇന്നും കർശനമായി പാലിച്ചുപോരുന്നത്.
