മുംബൈ : മുംബൈയിൽ നടന്ന ആർഎസ്എസ് പരിപാടിയിൽ സൽമാൻ ഖാൻ പങ്കെടുത്തതിനെ പിന്തുണച്ച് മഹാരാഷ്ട്ര ഉപമുഖ്യമന്ത്രി ഏക്നാഥ് ഷിൻഡെ. ഫെബ്രുവരി 7 ശനിയാഴ്ച നടന്ന ആർഎസ്എസ് വ്യാഖ്യൻമാല പരിപാടിയിൽ സൽമാൻ ഖാനും മറ്റു നിരവധി താരങ്ങളും പങ്കെടുത്തിരുന്നു. ചില ഇസ്ലാമിക നേതാക്കളും ശിവസേന ഉദ്ദവ് താക്കറെ വിഭാഗവും ഈ വിഷയത്തിൽ സൽമാൻ ഖാനെതിരെ രൂക്ഷ വിമർശനം ഉയർത്തിയിരുന്നു. ഈ സാഹചര്യത്തിലാണ് ഏക്നാഥ് ഷിൻഡെ സൽമാന് പിന്തുണ വ്യക്തമാക്കിയിരിക്കുന്നത്.
“സൽമാൻ ഖാൻ ഒരു ആർഎസ്എസ് പരിപാടിയിൽ പങ്കെടുത്തോ എന്നതിനെക്കുറിച്ച് എന്തിനാണ് ചോദ്യങ്ങൾ ഉയർത്തുന്നത്? സൽമാൻ ഖാൻ ഒരു ഇന്ത്യൻ പൗരനാണ്. അദ്ദേഹം ഇന്ത്യൻ പാരമ്പര്യങ്ങൾ പിന്തുടരുന്നു. ഹിന്ദു സംസ്കാരത്തെ ബഹുമാനിക്കുന്ന വ്യക്തിയാണ്. അദ്ദേഹത്തിന്റെ വീട്ടിൽ ഒരു ഗണപതി വിഗ്രഹം പോലും കാണാൻ കഴിയും. അദ്ദേഹത്തിന്റെ കുടുംബവും ഇന്ത്യയുടെ സംസ്കാരത്തെയും പാരമ്പര്യത്തെയും ബഹുമാനിക്കുന്നവരാണ്. അങ്ങനെയുള്ള ഒരാൾ പങ്കെടുത്താൽ എന്താണ് പ്രശ്നം? അദ്ദേഹം മുംബൈയിൽ നടന്ന ഒരു പരിപാടിയിൽ പങ്കെടുത്തു. അതിനെ രാഷ്ട്രീയവത്കരിക്കേണ്ട ആവശ്യമില്ല,” എന്ന് എക്നാഥ് ഷിൻഡെ വ്യക്തമാക്കി.
Discussion about this post