ന്യൂഡൽഹി : നാഷണൽ ഹൈവേ ഫീസ് നിയമങ്ങൾ ഭേദഗതി ചെയ്യാൻ കേന്ദ്ര സർക്കാർ തീരുമാനിച്ചു. പ്രവർത്തനക്ഷമമായ ദേശീയ എക്സ്പ്രസ് വേകളുടെ ഉപയോക്താക്കൾക്കുള്ള ടോൾ ഫീസ് ഒരു പരിധിവരെ കുറയ്ക്കുന്നതിനായി സർക്കാർ ദേശീയപാത ഫീസ് നിയമങ്ങളിൽ ഭേദഗതി വരുത്തിയിരിക്കുന്നത്. ഇതോടെ ഭാഗികമായി പ്രവർത്തിക്കുന്ന ദേശീയ എക്സ്പ്രസ് വേകളിൽ യാത്ര ചെയ്യുന്ന ഉപയോക്താക്കളുടെ ടോൾ നിരക്കുകൾ കുറയുന്നതായിരിക്കും.
ഫെബ്രുവരി 15 മുതൽ ആണ് പുതിയ നിയമങ്ങൾ പ്രാബല്യത്തിൽ വരിക. ഭേദഗതി പ്രകാരം, ഒരു ദേശീയ എക്സ്പ്രസ് വേ അതിന്റെ മുഴുവൻ നീളത്തിലും ഇതുവരെ പ്രവർത്തനക്ഷമമായിട്ടില്ലെങ്കിൽ, പൂർത്തിയായ ഭാഗത്തിന് മാത്രമേ ടോൾ ഈടാക്കൂ. ഈ ടോൾ നിരക്ക് ഇപ്പോൾ ഉയർന്ന എക്സ്പ്രസ് വേ നിരക്കിന് പകരം സാധാരണ ദേശീയ പാതകൾക്ക് ബാധകമായ നിരക്കുകൾക്ക് തുല്യമായിരിക്കും. ഈ ഭേദഗതി ചെയ്ത നിയമം പരമാവധി ഒരു വർഷത്തേക്ക് അല്ലെങ്കിൽ എക്സ്പ്രസ് വേ പൂർണ്ണമായും പ്രവർത്തനക്ഷമമാകുന്നതുവരെ, ഏതാണ് ആദ്യം വരുന്നത് അതുവരെ പ്രാബല്യത്തിൽ തുടരും.
Discussion about this post