പാകിസ്ഥാൻ- ഇന്ത്യ മത്സരത്തിന് മുമ്പ് നടന്ന പത്രസമ്മേളനം. ഇന്ത്യൻ നായകൻ സൂര്യകുമാർ യാദവ് അപാര ആത്മവിശ്വാസത്തിൽ മാധ്യമങ്ങളുടെ ചോദ്യത്തിന് ഉത്തരം പറയുന്നു. അതിനിടയിൽ പാകിസ്ഥാൻ നായകന്റെ ആഗ്രഹത്തെക്കുറിച്ച് അദ്ദേഹം കേൾക്കുന്നു.
സംഭവം മറ്റൊന്നും അല്ല, കഴിഞ്ഞ മത്സരത്തിലൊന്നും കളിക്കാതിരുന്ന അഭിഷേക് ശർമ്മ തങ്ങൾക്കെതിരെയുള്ള മത്സരത്തിൽ കളിക്കണം എന്നാണ് തന്റെ ആഗ്രഹം എന്ന് പാകിസ്ഥാൻ നായകൻ സൽമാൻ അലി ആഘ പറഞ്ഞു. കാരണം ഏറ്റവും മികച്ചവനെതിരെ കളിക്കുമ്പോഴാണല്ലോ തങ്ങളുടെ ശക്തി കൂടുതൽ കാണിക്കാൻ പറ്റുക. അദ്ദേഹം ആത്മവിശ്വാസത്തിൽ പറഞ്ഞ ഈ വാക്ക് ഇന്ത്യൻ നായകന്റെ ചെവിയിലുമെത്തി.
പാകിസ്ഥാൻ നായകന് അഭിഷേക് കളിക്കണം എന്നാണ് ആഗ്രഹമെങ്കിൽ അഭിഷേക് കളിക്കാൻ ഉണ്ടാകും എന്ന് സൂര്യകുമാർ പത്രസമ്മേളനത്തിൽ പറയുന്നു. അഭിഷേക് ഫിറ്റ്നെസ് വീണ്ടെടുത്ത സാഹചര്യത്തിൽ ആയിരുന്നു ഇന്ത്യൻ നായകൻ മാസ് മറുപടി പറഞ്ഞത്.
ഇന്ത്യ ഇന്നത്തെ മത്സരത്തിൽ ഏറെ പേടിച്ച താരിഖിന്റെ ബോളിങ് സ്റ്റൈലിൽ സൂര്യകുമാർ നെറ്റ്സിൽ താരത്തിന് എറിഞ്ഞ് കൊടുക്കുകയും ചെയ്തതാണ്. എന്നാൽ പാകിസ്ഥാൻ നായകൻ സൽമാൻ തന്നെ ഇന്നത്തെ മത്സരത്തിൽ അഭിഷേകിന്റെ ആദ്യ ഓവറിൽ തന്നെ പൂജ്യനായി മടക്കുകയും ചെയ്തു.
“ഇതാ പിടിച്ചോ സൽമാനെ എന്റെ അഭിഷേകിന്റെ വിക്കറ്റ്” എന്ന് പറഞ്ഞത് പോലെയായി മാസ് ഡയലോഗ് അടിച്ച സൂര്യകുമാറിന്റെ അവസ്ഥ.
Discussion about this post